52 مىڭ گەكتار جەردى يگەرىپ, 250 ادامدى جۇمىسپەن قامتىپ وتىرعان شارۋاشىلىق 2002 جىلدان بەرى ەليتالىق تۇقىم دا وندىرەدى.
سەرىكتەستىك باسشىسى, «اۋىل» پارتياسىنىڭ مۇشەسى امانعوس تولەۋوۆ 2025 جىلى مەملەكەت باسشىسىنىڭ جارلىعىمەن «قازاقستاننىڭ ەڭبەك ەرى» اتاعىنا يە بولعانىن ايتا كەتەيىك. كەزدەسۋ بارىسىندا ونىڭ اگرارلىق سالا مەن پارتيا جۇمىسىنا قوسقان ۇلەسى جوعارى باعالانىپ, «اۋىل» پارتياسىنىڭ 25 جىلدىق مەرەيتويلىق مەدالى سالتاناتتى تۇردە تابىستالدى.
– بىلتىر اۋىل شارۋاشىلىعى ەڭبەككەرلەرىنىڭ ءبىرىنشى فورۋمىندا مەملەكەت باسشىسى قاسىم-جومارت كەمەل ۇلى توقاەۆ جىلقى شارۋاشىلىعىن عىلىمي نەگىزدە دامىتۋ ءۇشىن عىلىمي زەرتتەۋ ينستيتۋتىن قۇرۋ مىندەتىن العا قويعان بولاتىن. وسى تاپسىرما اياسىندا اقتوبە وبلىسىندا «قازاق جىلقى شارۋاشىلىعى جانە جەمشوپ ءوندىرىسى» عىلىمي-زەرتتەۋ ينستيتۋتىنىڭ جاڭا عيماراتى سالىنىپ جاتىر. بۇل جوبا وتاندىق سەلەكتسيانى دامىتۋعا, اسىلتۇقىمدى جىلقىلاردى كەشەندى تۇردە زەرتتەۋگە, جىلقى ەتى مەن قىمىزدى ەكسپورتقا باعىتتاۋعا, سونداي-اق ۇلتتىق جانە سپورتتىق باعىتتاعى جىلقى شارۋاشىلىعىن دامىتۋعا جول اشادى, – دەپ اتاپ ءوتتى دەپۋتات.
بۇگىنگى تاڭدا ينستيتۋت قۇرىلىمىندا زاماناۋي زەرتحانالار, مانەج, اتقورا, ۆەتەريناريالىق پۋنكت پەن جارىس جولى قاراستىرىلعان. مۇندا 67 ادام جۇمىس ىستەيدى, ونىڭ ىشىندە 4 اۋىل شارۋاشىلىعى عىلىمدارىنىڭ دوكتورى مەن 3 عىلىم كانديداتى بار.
بۇگىن ءماجىلىس دەپۋتاتتارىنىڭ وڭىرلەردەگى كەزدەسۋلەرى باستالدى. 13 قاڭتارعا دەيىن جالعاساتىن جۇمىس ساپارلارى بارىسىندا «AMANAT», «اۋىل», «اق جول», «جسدپ», «قحپ» جانە «Respublica» ساياسي پارتيالارىنىڭ پارلامەنتتىك فراكتسيالارىنىڭ دەپۋتاتتارى سايلاۋشىلاردى قابىلدانعان زاڭدار تۋرالى حاباردار ەتەدى, ولاردىڭ جەرگىلىكتى جەرلەردە قولدانىلۋ بارىسىن زەردەلەيدى جانە ازاماتتاردى تولعاندىراتىن وزەكتى ماسەلەلەر مەن پروبلەمالاردى تىڭدايدى.
