فوتو: اقوردا
پرەزيدەنتتىڭ ايتۋىنشا, ەلىمىز ەۋرازيا كىندىگىندە ورنالاسقاندىقتان, الەمدىك الماعايىپ زاماندا بەيتاراپ قالا المايدى.
«قازاقستان ەۋرازيا كىندىگىندە ورنالاسقان ەل رەتىندە, اسىرەسە, قازىرگى الماعايىپ زاماندا ءتۇرلى ۇدەرىستەن سىرت قالماۋى كەرەك. ءبىزدىڭ حالىقارالىق قاتىناستاعى نەگىزگى ماسەلەلەر تۋرالى ءوز كوزقاراسىمىز, ناقتى ۇستانىمىمىز بولۋعا ءتيىس. سوندىقتان, مەن بۇۇ باس اسسامبلەياسىنىڭ مەرەيتويلىق سەسسياسىندا وسى امبەباپ جاھاندىق ۇيىمدى رەفورمالاۋعا قاتىستى قازاقستاننىڭ ۇستانىمىن ەگجەي-تەگجەيلى ايتىپ ءوتتىم», دەدى قاسىم-جومارت توقاەۆ.
سونىمەن قاتار مەملەكەت باسشىسى قوعامدا تالقىلانىپ جۇرگەن «ارااعايىندىق» پەن بۇۇ-عا ورالۋ مۇمكىندىگى تۋرالى بولجامدارعا قاتىستى پىكىر ءبىلدىردى.
«حالىقارالىق داۋ-دامايلاردا ارااعايىن بولاتىن ەشقانداي ويىم جوق, سونداي-اق, بىرقاتار ەلدىڭ ۇسىنىس-پىكىرىنە قاراماستان, بۇۇ-داعى جۇمىسقا قايتا ورالاتىن نيەتىم دە جوق. بىراق, جابىق كەڭەستەر مەن پىكىرتالاستارعا قاتىسامىن, ونىڭ ۇستىنە بىرقاتار مەملەكەت باسشىلارى مەنىڭ پىكىرىمدى بىلگىسى كەلەدى. مەن ءۇشىن وسى ماڭىزدى جۇمىستى بۇقارالىق اقپارات قۇرالدارىندا جاريالاۋدىڭ ەش قاجەتى جوق, سەبەبى پوپۋليزمنەن اۋلاقپىن. بۇل ۇستانىمىم جابىق كەڭەستەرگە قاتىسۋشىلار ءۇشىن دە ماڭىزدى بولسا كەرەك», دەدى پرەزيدەنت.
سۇحباتتا سىرتقى ساياساتتىڭ ەكونوميكالىق تيىمدىلىگى دە ءسوز بولدى. وتكەن جىلى ەلىمىزدىڭ باسىم باعىتتارىن دامىتۋ ءۇشىن 70 ملرد دوللاردان اساتىن ينۆەستيتسيالىق قۇجاتتارعا قول قويىلعان.
ەسكە سالايىق, بۇگىن قازاقستان پرەزيدەنتى قاسىم-جومارت توقاەۆ «Turkistan» گازەتىنە كەڭ كولەمدى سۇحبات بەردى. وندا ول كولىك جانە لوگيستيكا سالاسىن دامىتۋ قازاقستان ءۇشىن ستراتەگيالىق ماڭىزى بار باسىمدىق ەكەنىن اتاپ ءوتتى. قاسىم-جومارت توقاەۆ نۇرسۇلتان نازارباەۆتىڭ ۆلاديمير پۋتينمەن كەزدەسۋلەرى بەيرەسمي سيپاتقا يە ەكەنىن ايتتى. سونداي-اق پرەزيدەنت سوڭعى جىلدارى تاريحتى تالقىلاۋ سانگە اينالعانىن ءسوز ەتتى.ء تۇرلى پودكاستتار, فيلمدەر, ماقالالار مەن كىتاپتار شىعىپ جاتقانىنان حاباردار ەكەنىن جەتكىزدى. قاسىم-جومارت توقاەۆ قاڭتار وقيعاسىنا قاتىسقان ازاماتتارعا بايلانىستى سوت پروتسەستەرى مەن تەرگەۋ جۇمىستارى جونىندە پىكىر ءبىلدىردى. مەملەكەت باسشىسى بۇل تاقىرىپقا قاتىستى نەگىزگى دەرەكتەر الدەقاشان بەلگىلى بولعانىن ايتىپ, كەيبىر سوت ىستەرى مەن ۇرلانعان قارۋدى ىزدەستىرۋ جۇمىستارى ءالى دە جالعاسىپ جاتقانىن مالىمدەدى.
