ترانسفەرلەر اراسىندا الەكساندر ماروچكيننىڭ ءوز كومانداسىنا قايتا ورالعانىنا باسا نازار اۋدارا كەتكەن ءجون. قوستاناي وبلىسىنا قاراستى ارقالىق قالاسىنىڭ تۋماسى 2020-2023 جىلدار ارالىعىندا «توبىلدا» وينادى. ودان كەيىن قىزىلوردانىڭ «قايسارى» مەن «استانانىڭ» نامىسىن قورعادى. تاسقامال قورعاۋشى قازاقستان ۇلتتىق قۇراما كومانداسى ساپىندا 50-دەن اسا ويىن وتكىزدى. مىنە, ەندى اراعا ءبىراز ۋاقىت سالىپ 35 جاستاعى ماروچكين تۋعان ولكەسىنە قايتا ورالدى.
سونىمەن قاتار, «توبىل» قاقپاشى سۇلتان بۇسىرمانوۆ, قورعاۋشى ماركو ۆۋكچەۆيچ جانە جارتىلاي قورعاۋشى اسحات تاعىبەرگەنمەن كەلسىمشارتتى ۇزارتتى. تاعى ءبىر ايتا كەتەرلىك جايت, وسى كوماندانىڭ سەركەلەرىنىڭ ءبىرى, ۆينگەر يسلام چەسنوكوۆ قوستانايلىقتارمەن قوش ايتىسىپ, كەلەسى ماۋسىمدى شوتلانديانىڭ «حارتس» كلۋبىنىڭ ساپىندا وتكىزەدى.
