زاڭعا سايكەس, قىلمىستىق كودەكسكە «مەديتسينالىق قىزمەتكەرگە نەمەسە جەدەل مەديتسينالىق جاردەم كولىگىنىڭ جۇرگىزۋشىسىنە قاتىستى كۇش قولدانۋ نە قورقىتۋ» تۋرالى جاڭا 380-3-باپ ەنگىزىلدى. ەندى مەديتسينا قىزمەتكەرلەرىنە جانە جەدەل جاردەم جۇرگىزۋشىلەرىنە قارسى جاسالعان ارەكەتتەر ءۇشىن قىلمىستىق جاۋاپكەرشىلىك قاراستىرىلعان.
اتاپ ايتقاندا, كۇش قولدانامىن دەپ قورقىتقاندارعا ايىپپۇل, قوعامدىق نەمەسە تۇزەتۋ جۇمىستارى, سونداي-اق ەكى جىلعا دەيىن باس بوستاندىعىن شەكتەۋ نە ايىرۋ جازاسى كوزدەلگەن.
ال ءومىرى مەن دەنساۋلىعىنا قاۋىپتى ەمەس كۇش قولدانعانى ءۇشىن جازا مەرزىمى ءۇش جىلعا دەيىن, اۋىرلاتاتىن جاعدايلاردا جەتى جىلعا دەيىن ۇلعايادى.
ءومىرى مەن دەنساۋلىعىنا قاۋىپتى زورلىق-زومبىلىق جاساعاندار بەس جىلدان ون جىلعا دەيىن, ال اۋىرلاتاتىن ءمان-جايلار بولعان جاعدايدا 12 جىلعا دەيىن باس بوستاندىعىنان ايىرىلۋى مۇمكىن.
