فوتو: اشىق دەرەككوز
باعدارلاما شارتى بويىنشا, ۇلتتىق قوردىڭ جىلدىق ينۆەستيتسيالىق تابىسىنىڭ تەڭ جارتىسى كامەلەتكە تولماعان بالالاردىڭ اراسىندا تەڭ بولىنەدى. «24KZ» تەلەارناسىنىڭ مالىمەتىنشە, يگەرىلگەن قارجىنىڭ باسىم بولىگى, اتاپ ايتقاندا, 18 ملن دوللار تۇرعىن ءۇي جاعدايىن جاقسارتۋعا, ال قالعان 10 ملن دوللار ءبىلىم اقىسىن تولەۋگە جۇمسالعان.
بولات شاياحمەتوۆ قاراجاتتىڭ ەسەپتەلۋ ءتارتىبىن بىلايشا ءتۇسىندىردى:
«سوما ۇلتتىق قوردىڭ سوڭعى 18 جىلداعى ورتاشا ينۆەستيتسيالىق تابىسىنىڭ 50%-ى نەگىزىندە قالىپتاسادى. ول 31 جەلتوقسانعا دەيىن 18 جاسقا تولماعان بالالاردىڭ سانىنا بولىنەدى. زاڭناما بويىنشا بۇل قاراجاتتى قولما-قول الۋعا تىيىم سالىنعان, تەك ءبىلىم الۋ نەمەسە باسپانا جاعدايىن وڭالتۋ ماقساتتارىنا عانا اۋدارۋعا بولادى», دەدى ول.
2023 جىلى ءار بالانىڭ ەنشىسىنە 100 دوللاردان ءسال اساتىن قارجى تيسە, 2024 جىلى بۇل كورسەتكىش 129 دوللارعا جەتكەن. ەكى جىل ىشىندە بانكتەرگە 200 مىڭنان استام ءوتىنىم ءتۇسىپ, ونىڭ 188 مىڭى ماقۇلدانعان.
«ۇلتتىق قور – بالالارعا»: كامەلەتكە تولعاندارعا 22,29 ملن دوللاردان اسا قاراجات بەرىلدى
