بۇل تۋرالى قازاقستاندىق دەپوزيتتەرگە كەپىلدىك بەرۋ قورى حابارلادى. 2025 جىلى جەلتوقسان ايىنىڭ سوڭىندا دەپوزيت نارىعىنىڭ بارلىق نەگىزگى سەگمەنتىندە مولشەرلەمەلەردىڭ ءوسۋى تىركەلدى.
قوردىڭ دەرەگىنشە, جەلتوقساندا تالاپ ەتىلمەلى دەپوزيتتەر بويىنشا مولشەرلەمەنى 2 بانك, تولىقتىرۋعا بولاتىن مەرزىمدى سالىمداردا 3 بانك, جيناق دەپوزيتتەرىندە 12 بانككە دەيىن كوتەرگەن. ەڭ جوعارى ءوسىم مەرزىمدى جانە جيناق دەپوزيتتەرىندە بايقالىپ, قىسقا مەرزىمگە اشىلاتىن سالىمدار بويىنشا جىلدىق تابىستىلىق 20-20,5 پايىزعا جەتكەن.
تالاپ ەتىلمەلى دەپوزيتتەر سەگمەنتىندە دە ءوسىم بار. جىل باسىندا ەڭ جوعارى مولشەرلەمە 15 پايىز شاماسىندا بولسا, جىل سوڭىندا 16,9 پايىزعا دەيىن ارتتى. نارىقتاعى ورتاشا كورسەتكىش 15,3 پايىزدى قۇراپ, مۇنداي دەپوزيت ۇسىناتىن بانكتەر سانى 18-گە جەتتى.
قور سالىمشىلارعا دەپوزيت تاڭداعاندا تەك جوعارى پايىزعا ەمەس, شارتتارىنا, قاراجاتتى مەرزىمىنەن بۇرىن الۋ مۇمكىندىگىنە جانە بانكتىڭ تۇراقتىلىعىنا نازار اۋدارۋعا كەڭەس بەرەدى.
كەپىلدەندىرىلگەن وتەماقى كولەمى تەڭگەدەگى جيناق دەپوزيتتەرى بويىنشا 20 ملن تەڭگەگە دەيىن, وزگە تەڭگەلىك سالىمداردا 10 ملن تەڭگەگە دەيىن بەلگىلەنىپ وتىر.
