فوتو: gov.kz
جاتاقحانالاردىڭ قۇرىلىسىن جۇرگىزۋگە قىتايدىڭ «چجۋنتايحۋا» باوتسزي قۇرىلىس ەڭبەك قىزمەتتەرى كومپانياسى» 33,8 ميلليارد تەڭگە ينۆەستيتسيا قۇيادى.
قۇرىلىس جۇمىستارى 2026 جىلدىڭ قاڭتار ايىندا باستالىپ, ءبىر جارىم جىل ىشىندە اياقتالادى دەپ جوسپارلانعان. جاتاقحانالار حالىقارالىق ستاندارتتارعا ساي جابدىقتالىپ, قاۋىپسىزدىك جۇيەلەرى مەن تۇرمىستىق ينفراقۇرىلىم تولىق قامتىلادى.
سالتاناتتى راسىمگە ۋنيۆەرسيتەت باسشىلىعى, قۇرىلىس كومپانياسى وكىلدەرى, وقۋ ورداسىنىڭ تانىمال تۇلەكتەرى, وقىتۋشى-پروفەسسورلار قۇرامى مەن ستۋدەنتتەر قاتىستى.
ءىس-شارادا ءال-فارابي اتىنداعى قازۇۋ-دىڭ باسقارما توراعاسى – رەكتور جانسەيىت تۇيمەباەۆ ءسوز سويلەپ, بۇل باستامانىڭ ۋنيۆەرسيتەت تاريحىنداعى ستراتەگيالىق ماڭىزىن اتاپ ءوتتى.
«2022 جىلى پرەزيدەنت قاسىم-جومارت كەمەل ۇلى توقاەۆتىڭ قولداۋىمەن قازۇۋ قالاشىعى قۇرىلىسىنىڭ ەكىنشى كەزەڭى باستالعان. جاڭا جاتاقحانالار جاستاردىڭ ءبىلىم الۋىنا, عىلىمي-زەرتتەۋ جۇمىستارىنا جانە الەۋمەتتىك بەيىمدەلۋىنە وڭ اسەرىن تيگىزەدى», دەدى جانسەيىت تۇيمەباەۆ.
قازۇۋ-دىڭ جاس عالىمى تسيكوريدىڭ ديابەتكە قارسى قاسيەتىن دالەلدەدى.
