ول مانەرلەپ سىرعاناۋ سپورتى ەلىمىزدىڭ 16 وڭىرىندە كەشەندى دامىپ كەلە جاتقانىن اتاپ ءوتتى.
جاسوسپىرىمدەر سپورت مەكتەپتەرىندەگى بالالار سانى 1 مىڭنان اسادى, جاتتىقتىرۋشىلار سانى دا 70-تەن استى.
ەل اۋماعىندا مانەرلەپ سىرعاناۋمەن اينالىسۋعا ارنالعان 26 مۇز ارەناسى جۇمىس ىستەيدى.
اتالعان ارەنالاردىڭ 5-ەۋى حالىقارالىق ستاندارتتارعا سايكەس كەلەدى, اتاپ ايتقاندا: «الماتى ارەنا», «حالىق ارەنا», «بارىس ارەنا», «قاراعاندى ارەنا» جانە الماتى قالاسىنداعى بالۋان شولاق اتىنداعى سپورت سارايى.
«مانەرلەپ سىرعاناۋ سپورتىنىڭ حالىقارالىق ارەناداعى سپورتشىلارىمىز جايلى ايتقاندا ەسىمىزگە ءبىرىنشى رەتتە دەنيس تەن, ەليزابەت تۇرسىنباەۆا, ميحايل شايدوروۆتاردىڭ ەسىمدەرى تۇسەدى. بۇلاردان بولەك تە ءارتۇرلى جىلداردا ەل نامىسىن ازيا جانە الەمدىك ارەنالاردا ابىرويمەن قورعاعان سپورتشىلارىمىز از ەمەس. ايتسە دە, ءاربىر سپورتتىڭ اسقار شىڭى – وليمپيادا ويىندارى.
ءتورت جىلدا ءبىر كەلەتىن تورتكۇل دۇنيەنىڭ سپورت دوداسىنا تاۋەلسىز قازاقستان رەتىندە ەل سپورتشىلارى بەس رەت قاتىستى. 2014 جىلى سوچي وليمپياداسىندا دەنيس تەن قولاعا قول جەتكىزىپ, تاريح جاسادى», دەدى تالعات بۇرحان.
2026 جىلى يتاليادا وتەتىن قىسقى وليمپيادادا مانەرلەپ سىرعاناۋدان ەل نامىسىن ەكى سپورتشىمىز – ميحايل شايدوروۆ پەن سوفيا سامودەلكينا قورعايتىنى اتاپ ءوتىلدى.
