بايقاۋ جەڭىمپازدارىن ۇلىتاۋ وبلىسىنىڭ اكىمى داستان رىسپەكوۆ, وبلىستىق ءماسليحاتتىڭ توراعاسى باۋىرجان شىڭعىسوۆ ماراپاتتادى.
«جۇمىسشى ماماندىقتارى جىلى «ماماندىعىم – بولاشاعىم» جوباسى اياسىندا ءوڭىردىڭ جاڭا كاسىپتەرى مەن قۇزىرەتتەرىنىڭ اتلاسى ازىرلەندى. بۇل قۇجات ايماق ەكونوميكاسىنىڭ ناقتى سۇرانىسىنا ساي كادر دايارلاۋ جۇيەسىن جاڭاشا بەيىمدەۋگە بەرىك نەگىز قالاپ وتىر. بۇگىندە ءوڭىردىڭ تەحنيكالىق, كاسىپتىك ءبىلىم جۇيەسىندە 15 كوللەدج جۇمىس ىستەيدى. وندا جەتى مىڭعا جۋىق ستۋدەنت ءبىلىم الىپ جاتىر. جۇمىسشى ماماندىعىنا كادر دايىنداۋدىڭ قوعامدىق, ستراتەگيالىق ماڭىزى زور», دەدى وبلىس اكىمى.
بايقاۋ قورىتىندىسىندا «ۇزدىك ەڭبەك اۋلەتى», «جۇمىس ىستەيتىن جاستاردىڭ ۇزدىك تالىمگەرى», ء«وندىرىستىڭ ۇزدىك جاس مامانى», «ۇزدىك الەۋمەتتىك جاۋاپتى كاسىپورىن», «ەڭبەكتى قورعاۋ سالاسىنداعى ۇزدىك كاسىپورىن», «ۇزدىك ۇجىمدىق شارت» اتالىمدارى بويىنشا جەڭىمپازدار انىقتالىپ, قارجىلاي سىياقىلارمەن ماراپاتتالدى.
«ۇزدىك ەڭبەك اۋلەتى» اتالىمىندا ءبىرىنشى ورىندى مۇسابەكوۆتەر اۋلەتى, «جۇمىس ىستەيتىن جاستاردىڭ ۇزدىك تالىمگەرى» اتالىمىندا ءبىرىنشى ورىندى دۋلات قۇرمانبەكوۆ, ء«وندىرىستىڭ ۇزدىك جاس مامانى» اتالىمىندا ءبىرىنشى ورىندى ەرلان تولەگەنوۆ يەلەندى. بارلىعىنا 500 مىڭ تەڭگە سىياقى بەرىلدى. ءىى, ءىىى ورىن العان جۇلدەگەرلەرگە دە اقشالاي سىيلىق تابىستالدى.
«پارىز» بايقاۋىندا «قازاقمىس» كورپوراتسياسى ءىرى, «سامعا» جشس ورتا, «ماماrاdا» ورتالىعى كىشى ۇزدىك الەۋمەتتىك جاۋاپتى كاسىپورىن دەپ تانىلدى. ەڭبەكتى قورعاۋ سالاسىنداعى ۇزدىك كاسىپورىن اتالىمىندا «ماker», «قازتەحفيلتر» جشس جەڭىمپاز اتاندى. ۇزدىك ۇجىمدىق شارت اتالىمىندا «جايرەم مارگانەتس» كاسىپورنى, جەزقازعان يندۋستريالدىق-گۋمانيتارلىق كوللەدجى العا شىقتى. سونىمەن قاتار جۇمىسشى ماماندار دايارلايتىن تەحنيكالىق-كاسىپتىك ءبىلىم بەرۋ كوللەدجدەرى مەن ولاردىڭ باسشىلارى ماراپاتتالدى.
ۇلىتاۋ وبلىسى
