فوتو: istockphoto.com
جول ينفراقۇرىلىمىنداعى وزگەرىستەر
2025 جىلى ەلىمىزدە بۇرىن-سوڭدى بولماعان اۋقىمدا – 13 مىڭ شاقىرىم اۆتوكولىك جولىن سالۋ جانە جوندەۋ جۇمىستارى باستالدى. جاڭا جولداردىڭ ۇزىندىعى – 1,9 مىڭ شاقىرىم. جوبالاردىڭ قاتارىندا ورتالىق – باتىس اۆتوماگيسترالى, قاراعاندى – جەزقازعان, اقتوبە – ۇلعايسىن جانە اتىراۋ – دوسسور سياقتى ماڭىزدى كۇرەجولدار بار.
اۋە كەڭىستىگى مەن جاڭا رەيستەر
اۆياتسيا سالاسىندا زايسان, قاتونقاراعاي جانە كەندىرلىدە ءۇش جاڭا اۋەجاي سالىنىپ جاتىر, ال ارقالىق اۋەجايى قالپىنا كەلتىرىلۋدە. سونىمەن قاتار:
- اۋە ارقىلى جۇك تاسىمالدايتىن العاشقى ۇلتتىق كومپانيا قۇرىلادى.
- 2025 جىلى نارىققا جاڭا اۆياكومپانيالار كەلدى.
- شانحاي, گۋانچجوۋ جانە ميۋنحەنگە تۇڭعىش رەت تىكەلەي رەيستەر اشىلىپ, جالپى 35-تەن استام جاڭا باعدار ىسكە قوسىلدى.
تەمىرجول جەلىلەرىن كەڭەيتۋ
قازىرگى ۋاقىتتا قىزىلجار – مويىنتى (ەكىنشى جول), الماتى اينالما جولى, داربازا – ماقتاارال جانە باقتى – اياگوز تەمىرجول جەلىلەرىنىڭ قۇرىلىسى جالعاسۋدا. بۇعان قوسا, رەسپۋبليكا بويىنشا 124 ۆوكزال جاڭعىرتىلىپ, كۇردەلى جوندەۋدەن ءوتىپ جاتىر.
