بۇل تۋرالى قارجى ۆيتسە-ءمينيسترى ەرجان ءبىرجانوۆ مالىمدەدى. ونىڭ ايتۋىنشا, جاردەماقى الۋعا ۇمىتكەرلەر جان-جاقتى تەكسەرىلەدى. ەگەر الداعى ۋاقىتتا الەۋمەتتىك كومەك الۋشىلار سانى قىسقارسا, ۇنەمدەلگەن قاراجات ەسەبىنەن تولەمدەر كولەمىن ارتتىرۋعا مۇمكىندىك تۋادى.
ۆيتسە-مينيستر 2026 جىلعى بيۋدجەت جوباسىندا الەۋمەتتىك سالاعا 10,5 تريلليون تەڭگە قاراستىرىلعانىن اتاپ ءوتتى. بۇل قارجى الەۋمەتتىك تولەمدەر مەن جاردەماقىلاردى شامامەن 10 پايىزعا ارتتىرۋعا جاعداي جاسايدى. الايدا, ونىڭ سوزىنشە, الەۋمەتتىك قولداۋ تەك شىن مانىندە مۇقتاج ازاماتتارعا كورسەتىلۋى ءتيىس.
– قازىرگى كەزدە كەيبىر ازاماتتار جاردەماقى الۋ ءۇشىن زاڭسىز ارەكەتتەرگە بارادى. جالعان مامىلەلەر جاسايدى نەمەسە جالعان اجىراسۋلاردى راسىمدەيدى. مۇنداي فاكتىلەر از ەمەس. سوندىقتان ەڭبەك جانە دەنساۋلىق ساقتاۋ مينيسترلىگى تسيفرلاندىرۋ قۇرالدارى ارقىلى وسىنداي جاعدايلاردى انىقتاپ, نەگىزسىز تولەمدەردى قىسقارتاتىن بولادى, – دەدى ەرجان ءبىرجانوۆ.
ونىڭ ايتۋىنشا, قابىلدانىپ جاتقان شارالار الەۋمەتتىك كومەكتىڭ ناقتى ءزارۋ جاندارعا جەتۋىن قامتاماسىز ەتۋگە باعىتتالعان.
