فوتو: dimashnews.com
بيىل ديماش «ÓČKO CHART» حيت-شەرۋىنە «Love Is Not Over Yet» ليريكالىق كومپوزيتسياسىمەن جانە «تاۋ ىشىندە» اتتى انىمەن ۇسىنىلدى. داۋىس بەرۋ قورىتىندىسى بويىنشا «Love Is Not Over Yet» تۋىندىسى تىڭدارمانداردىڭ ەڭ كوپ داۋىسىن جيناپ, انشىگە جەڭىس سىيلادى.
ايتا كەتەيىك, ديماش 2024 جىلى چەحياداعى ماراپاتتاۋ راسىمىنە قاتىسىپ, «Together» جانە «When I’ve Got You» اندەرىمەن 2023 جانە 2024 جىلداردىڭ ۇزدىگى اتانعان ەدى. سودان بەرى ونىڭ مۋزىكاسى «Óčko» تەلەارناسىندا تۇراقتى تۇردە كورسەتىلىپ كەلەدى.
ديماش قۇدايبەرگەن حالىقارالىق كوشى-قون ۇيىمىنىڭ جاھاندىق ىزگى نيەت ەلشىسى اتاندى
DimashNews مالىمەتىنشە, ديماشتىڭ بۇل جەتىستىگىنە الەمنىڭ تۇكپىر-تۇكپىرىندەگى جانكۇيەرلەرىنىڭ, اسىرەسە چەحيالىق «Dears» قاۋىمداستىعىنىڭ بەلسەندىلىگى ۇلكەن اسەر ەتتى. ناتيجەسىندە بىرەگەي كورسەتكىش تىركەلدى: ديماش «ÓČKO CHART» تاريحىندا داۋىس بەرۋ كەزەڭىنىڭ بارلىق اپتاسىندا قاتارىنان جەڭىسكە جەتكەن جانە ەشكىمگە دەس بەرمەگەن جالعىز ورىنداۋشى رەتىندە قالدى. ۇيىمداستىرۋشىلار الداعى ۋاقىتتا ءانشىنىڭ پراگاعا كەلىپ, «TV Óčko» ستۋدياسىندا ماراپاتتى ءوز قولىمەن العانىن قالايتىنىن جەتكىزدى.
ديماش قۇدايبەرگەن مەديتسينا ۋنيۆەرسيتەتىنىڭ قۇرمەتتى پروفەسسورى اتاندى
«TV Óčko» تەلەارناسىنىڭ ماركەتينگ ديرەكتورى ميحال كرجيجەك ارتىسپەن جۇمىس ىستەۋ تاجىريبەسى تۋرالى ويىمەن ءبولىستى. ول ديماشتىڭ كاسىبي دەڭگەيى مەن ادامي بولمىسىنا جوعارى باعا بەردى.
«جۇلدىزدىڭ دەڭگەيى نەعۇرلىم جوعارى بولعان سايىن, ونىڭ قاراپايىمدىلىعى دا سوعۇرلىم ارتا تۇسەدى دەگەن سەزىمدەمىن. «ÓČKO» ارناسىندا بۇل قاعيدا سان مارتە دالەلدەندى», دەپ جازدى ول.
