فوتو: كولىكتەگى پوليتسيا دەپارتامەنتى
الدىمەن اۋەجايدىڭ ءورتتىڭ الدىن الۋ توبى تەرمينالداردا جوسپارلى تەكسەرۋ جۇرگىزەدى. ماماندار كۇتۋ زالدارىن, ساۋدا نۇكتەلەرىن, قىزمەتتىك بولمەلەردى ارالاپ شىعادى. اسىرەسە جالعا الۋشىلارعا – دۇكەندەر مەن دامحانالارعا ەرەكشە كوڭىل بولىنەدى. مەرەكە قارساڭىندا مۇندا ءورت قاۋىپسىزدىگى تالاپتارىنىڭ ساقتالۋى قاتاڭ باقىلاۋعا الىنعان.
«قازىر بارلىق جەردە شىرشالار, گيرلياندالار مەن ءتۇرلى بەزەندىرۋ ەلەمەنتتەرى قويىلادى. ءبىز ولاردىڭ سەرتيفيكاتتالعانىن, ەلەكتر قۇرىلعىلارىنىڭ ءورت قاۋىپسىزدىگى تالاپتارىنا سايكەستىگىن تەكسەرەمىز. سونداي-اق مەرەكەلىك اشەكەيلەر ادامداردىڭ ەركىن قوزعالىسىنا جانە ەۆاكۋاتسيا جولدارىنا كەدەرگى كەلتىرمەۋى ءتيىس», دەدى اۋەجايدىڭ ءورت قاۋىپسىزدىگى قىزمەتىنىڭ باس ينجەنەرى ۆياچەسلاۆ پوپوۆ.
24.kz-ءتىڭ حابارلاۋىنشا, اۆياتسيالىق قاۋىپسىزدىك قىزمەتى دە كۇشەيتىلگەن رەجيمگە كوشتى.
ء«بىر اۋىسىمعا قوسىمشا شامامەن 140 قىزمەتكەر تارتىلادى. جولاۋشىلاردىڭ جۇگى مۇقيات تەكسەرىلەدى», دەدى اۆياتسيالىق قاۋىپسىزدىك قىزمەتىنىڭ ينسپەكتورى شىڭعىس سوۆەت.
بۇدان بولەك, اۋەجايدا جولاۋشىلار اراسىندا قوسىمشا ءتۇسىندىرۋ جانە پروفيلاكتيكالىق جۇمىستار جۇرگىزىلىپ جاتىر. ماماندار مەرەكە كۇندەرى قاۋىپسىزدىك تالاپتارىن ساقتاۋ قاجەتتىگىن ەسكەرتەدى جانە جولاۋشىلاردان تارتىپكە مۇقيات بولۋدى سۇرايدى.
