اشىق دەرەككوز
2024 جىلدان بەرى ارمەنيا نامىسىن قورعاپ جۇرگەن سپورتشىعا ازاماتتىعىن اۋىستىرۋىنا بايلانىستى قارجىلىق تالاپ قويىلدى.
رتف رەسمي سايتىنداعى مالىمەتكە سايكەس, 9 جەلتوقساندا ۇساو رەسەي تەننيس فەدەراتسياسى مەن ەلينا اۆانەسيان اراسىنداعى سپورتتىق دايىندىق تۋرالى كەلىسىمشارتتىڭ ورىندالماۋىنا بايلانىستى كەلتىرىلگەن شىعىنداردى وتەۋ جونىندەگى ءىستى قاراعان.
شەشىمگە ساي, 23 جاستاعى تەننيسشى رتف-عا كەلتىرىلگەن زالالدى وتەۋگە مىندەتتەلدى. وتەلەتىن سوما ۇلتتىق سپورتتىق تورەلىك سوتى تاراپىنان ايقىندالادى. سونىمەن قاتار سپورتشى تۋرنيرلەردەگى ناتيجەلەرىنەن تۇسكەن تابىستان وتەماقى تولەۋى جانە وزگە دە شىعىنداردى وتەۋى ءتيىس.
ايتا كەتەيىك, ەلينا اۆانەسيان WTA سەرياسىنداعى ءبىر ءتۋرنيردىڭ ءفيناليسى اتانعان. ونىڭ الەمدىك رەيتينگتەگى ەڭ جوعارى كورسەتكىشى – بيىل ناۋرىز ايىندا تىركەلگەن 36-ورىن.
