فوتو: اشىق دەرەككوز
شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن بيىل 225 قازاقستاندىق «بولاشاق» حالىقارالىق ستيپەندياسىنىڭ يەگەرى اتاندى. ولاردىڭ ىشىندە 152 ادام ماگيستراتۋرادا ءبىلىم الۋعا, 16 ۇمىتكەر دوكتورانتۋرا باعدارلامالارىنا جولداما الدى. ال 57 قازاقستاندىق الەمنىڭ جەتەكشى ۋنيۆەرسيتەتتەرى مەن عىلىمي-ءبىلىم بەرۋ ورتالىقتارىندا كاسىبي تاعىلىمدامادان وتەدى.
باعدارلامانىڭ سالالىق قۇرىلىمى دا مەملەكەتتىڭ ستراتەگيالىق باسىمدىقتارىن ايقىن كورسەتىپ وتىر. ماسەلەن, ستيپەندياتتاردىڭ 69,8%-ى جاراتىلىستانۋ-تەحنيكالىق باعىتتار بويىنشا, ال 30,2%-ى قوعامدىق-گۋمانيتارلىق بەيىن بويىنشا وقيدى.
«بولاشاق» شاكىرتاقىسى: 2026 جىلدان باستاپ تالاپتار قالاي وزگەرەدى؟
سونىمەن قاتار, تاعى 182 قازاقستاندىققا الەمنىڭ جەتەكشى عىلىمي جانە زەرتتەۋ ورتالىقتارىندا عىلىمي تاعىلىمدامادان وتۋگە ستيپەنديا تاعايىندالدى. عىلىمي تاعىلىمدامالار — وتاندىق عىلىم مەن ءوندىرىستىڭ دامۋىنا سەرپىن بەرەتىن, زاماناۋي ءبىلىم مەن وزىق تاجىريبەنى ەلگە ترانسفەرتتەۋدىڭ ماڭىزدى تەتىگى.
مەملەكەت باسشىسى ايقىنداعان قازاقستاندى الداعى ءۇش جىل ىشىندە تسيفرلىق مەملەكەتكە اينالدىرۋ باعىتىن ىسكە اسىرۋ ماقساتىندا ناقتى سەكتوردا پراكتيكالىق قولدانۋعا باعدارلانعان جاساندى ينتەللەكت سالاسىنداعى مامانداردى دايارلاۋ كۇشەيتىلەدى. وسىعان وراي, 2026 جىلى كاسىبي تاعىلىمدامالارعا قاتىسۋشىلار ءۇشىن «جاساندى ينتەللەكت جۇيەسىن پايدالانۋشىلار» اتتى جاڭا سانات بەكىتىلدى.
«بولاشاق» ارقىلى اتوم ەنەرگەتيكاسى سالاسىنىڭ ماماندارىن دايارلاۋ كەڭەيەدى
سونداي-اق كوميسسيا وتىرىسىندا 2026 جىلدان باستاپ ماگيستراتۋرا, دوكتورانتۋرا, تاعىلىمداما بويىنشا اتوم ەنەرگەتيكاسى سالاسىنداعى مامانداردى دايارلاۋعا باعىتتالعان ارنايى ساناتتى ەنگىزۋ تۋرالى شەشىم قابىلداندى.
