وزگەگە قۇرمەت — وزىڭە قۇرمەت

ۇستىمىزدەگى جىلدىڭ ناۋرىز اي­ىن­دا ەۋروپا تورىندەگى كەلن قالا­سىنان ەكى دوڭگەلەكتى شايتان اربا­مەن ساپارعا شىققان كاستان ليپ دەگەن نەمىس جيھانگەزى جۋىردا سە­مەيگە كەلىپ جەتتى. جولاي  بىرقاتار ەۋروپا ەلدەرىن كوكتەي ءوتىپ, ءبىزدىڭ ەلىمىزگە اتباسىن تىرەگەن ول ەندى ازيا قۇرلىعىن شيىرلاپ شىقپاق. جاسى جيىرمادان ەندى اسقان جاس جىگىت بۇل ساپارعا ەكى جىل دايىن­دالىپتى. ونىڭ ۇزاققا سوزى­لاتىن وسى جورىعى قاراشا ايىندا اياقتالماق. ساپار بارىسىندا ول ەشقانداي كۇي تالعاماي, كوشە بويىندا كەزىك­كەن كو­گال­عا شاتىرىن تىگىپ جاتا كەتەدى ەكەن. ونى سونداي جاعدايدا كەزىكتىرگەن جو­مارت ۋاليەۆ دەگەن جەرلەسىمىز الىستان كەلە جاتقان جيھانگەزدى قوياردا قويماي قول­­قا­لاپ, ۇيىنە قوناققا الىپ كەتەدى. جو­مارت مۇنىمەن دە شەكتەلمەي, ءوز ءۇيىن­دە جيھانگەزدىڭ جەرگىلىكتى جۋر­نا­ليس­تەرمەن كەزدەسۋىنە مۇمكىندىك جاسايدى. ەۋروپا اۋماعىندا ورنالاسقان تمد ەلدەرىنىڭ بىرىندە مەنى الدە­كىمدەر توناپ كەتىپ ەدى, ال ورتالىق ازيادا مەيلىنشە قوناقجايلىقتى سەزىنە باستادىم, دەيدى كاستان ليپ. جيھانگەزدەردىڭ حالقى­مىز­دىڭ قوناقجايلىعىنا ءسۇيسىنىپ, جاقسى لەبىز بىلدىرگەنى ءبىر بۇل ەمەس قوي. قالاي بولعاندا دا, وزگەگە قۇرمەت – وزىڭە دە قۇرمەت ەكەنىن ۇمىتپا­عا­نى­مىز ءلازىم. ال ونىڭ ار جاعىندا سەن ارقىلى حالقىڭا وڭدى باعا بەرىلىپ جاتاتىنى جانە بار. داۋلەت سەيسەن ۇلى, سەمەي. استانادا بولىپ قايتتى استانا كۇنىنە وراي جۋىردا سەمەي­دەگى شاكارىم اتىنداعى №5 جانە №16 مەكتەپتىڭ ءبىر توپ وقۋ­شى-ۇستازدارى ارقا توسىندەگى ارۋ قالادا بولىپ قايت­تى. ءۇش كۇنگە سو­زىل­عان بۇل ساپاردا ولار ەلىمىزدىڭ تۇڭعىش پرەزيدەنتىنىڭ مۇرا­جايىن­دا, رەسپۋبليكا پارلامەنتى ۇيىندە بولىپ, استانانىڭ باسقا دا كورىكتى جەرلەرىن ارالادى. ولاردىڭ بارلىق جول شىعىنىن رەسپۋبليكا پارلامەنتى ءماجىلىسى­نىڭ دەپۋتاتى, ەسىمى ەلىمىزگە ءمالىم مەتسەنات نۇرتاي سابيليانوۆ كوتە­رىپ الدى. داۋلەت سەيسەن ۇلى, سەمەي.