فوتو: biocentr.org
پاراسپورتقا جاعداي جاسالىپ جاتىر
پاراليمپيادالىق جانە سۋردليمپيادالىق قوزعالىس جۇيەلى تۇردە دامىپ كەلەدى. العاش رەت زاڭمەن «مۇگەدەكتىگى بار سپورتشىنى سۇيەمەلدەيتىن ادام» ۇعىمى بەكىتىلىپ, ەرەكشە قاجەتتىلىگى بار سپورتشىلاردىڭ قاتىسۋ مۇمكىندىگى كەڭەيدى.
قازاقستان حالىقارالىق سپورت ۇيىمدارىمەن ءوزارا ءىس-قيمىلدى كۇشەيتتى
2025 جىلعى ماڭىزدى باعىتتاردىڭ ءبىرى – حالىقارالىق سپورت ۇيىمدارىمەن ءوزارا ءىس-قيمىلدى كۇشەيتۋ بولدى. قازاقستاننىڭ 81 وكىلى حالىقارالىق جانە كونتينەنتتىك سپورت فەدەراتسيالارىندا جۇمىس ىستەيدى. بۇدان بولەك, بيىل ەلىمىزگە 22 حالىقارالىق سپورت ۇيىمنان باسشىلار كەلدى. بۇل ەلىمىزدىڭ ۇيىمداستىرۋشىلىق جانە ينفراقۇرىلىمدىق الەۋەتىنىڭ حالىقارالىق دەڭگەيدە مويىندالعانىن ايعاقتايدى.
تۇراقتى تۇردەگى حالىقارالىق ىنتىماقتاستىقتىڭ ناتيجەسىندە 2027 جىلى قازاقستاندا ۇستەل تەننيسى, دزيۋدو, ستەند اتۋ, بوكس جانە دجيۋ-دجيتسۋدان 5 الەم چەمپيوناتىن وتكىزۋ تۋرالى كەلىسىمدەر جاسالدى. بۇل ەلىمىزدىڭ حالىقارالىق سپورت الاڭى رەتىندەگى سەنىمدى ءارى باسەكەگە قابىلەتتى مارتەبەسىن ودان ءارى نىعايتۋدا ماڭىزدى كەزەڭ بولماق.
حالىقارالىق ارەنادا 50-دەن استام تاريحي جەتىستىك
ءمينيستردىڭ ايتۋىنشا, بيىل شورت-ترەكتەن ۇلتتىق قۇراما ازيا ويىندارىنداعى العاشقى التىن جۇلدەنى جەڭىپ السا, فريستايل-اكروباتيكا مەن سەمسەرلەسۋ سپورت تۇرلەرىنەن تۇڭعىش مەدال بۇيىردى. سونىمەن قاتار دزيۋدو, بوكس, كوركەم گيمناستيكا, مانەرلەپ سىرعاناۋ, ساداق اتۋ جانە پارابياتلون بويىنشا جوعارى ناتيجەلەر تىركەلدى. «قايرات» فۋتبول كلۋبى ءوز تاريحىندا العاش رەت ۋەفا چەمپيوندار ليگاسىنىڭ نەگىزگى كەزەڭىنە شىقتى. تولىعىراق وقۋ ءۇشىن مىنا سىلتەمەگە ءوتىڭىز.
2025 جىلى قازاقستان ءىرى حالىقارالىق سپورتتىق جارىستار وتەتىن الاڭعا اينالدى
بوكستان جانە فريستايلدان الەم كۋبوگى كەزەڭدەرى, دزيۋدودان Grand Slam تۋرنيرلەرى, سونداي-اق بىرقاتار وليمپيادالىق سپورت تۇرلەرى بويىنشا حالىقارالىق جارىستار وتكىزىلدى.
بۇعان قوسا, ەلىمىزدە العاش رەت ازيا پاراليمپيالىق كوميتەتىنىڭ كونفەرەنتسياسى مەن باس اسسامبلەياسى ۇيىمداستىرىلىپ, قازاقستاننىڭ ازياداعى ينكليۋزيۆتى سپورت ورتالىقتارىنىڭ ءبىرى رەتىندەگى مارتەبەسىن نىعايتا ءتۇستى.
