ماقاشەۆانىڭ ايتۋىنشا, قازاقستانعا سىرتتان اكەلىنەتىن كولىكتەردىڭ باعاسى وسەدى. ال وتاندىق وندىرىستەگى كولىكتەردىڭ قۇنىنا جاڭا زاۋىتتىڭ ىسكە قوسىلۋى اسەر ەتەدى.
«اسىرەسە, قازاقستانداعى رەسمي ديلەرلەر ارقىلى ساتىلاتىن جاڭا يمپورتتىق كولىكتەردىڭ باعاسى 4–5 پايىزدان ارتىق كوتەرىلمەيدى دەپ كۇتىلۋدە. ال وتاندىق وندىرىستەگى كەيبىر مودەلدەر بويىنشا باعانىڭ تومەندەۋى بايقالادى. الماتى قالاسىندا جاڭا مۋلتيبرەندتىك زاۋىت اشىلعاننان كەيىن كولىكتەردىڭ باعاسى مودەلگە بايلانىستى 2-17 پايىزعا ارزاندادى», دەدى ماقاشەۆا.
قازىرگى ۋاقىتتا ادام ءومىرىن ساقتاندىرىپ, جول اپاتىنان قازا تاپقان جاعدايدا ساقتاندىرۋ تولەمىنىڭ ەڭ جوعارعى مولشەرى شامامەن 7 ميلليون تەڭگەنى قۇرايدى. دەپۋتاتتار بۇل سومانى ەكى ەسەگە ارتتىرۋدى ۇسىنىپ وتىر. ءماجىلىس دەپۋتاتىنىڭ سوزىنشە, زاڭ جوباسىن ۇكىمەت قولداعان.
اتاپ ايتقاندا, ءبىرىنشى توپتاعى مۇگەدەكتىگى بار ادامدار ءۇشىن تولەم مولشەرى 1600 ايلىق ەسەپتىك كورسەتكىشتەن 3200 ايلىق ەسەپتىك كورسەتكىشكە دەيىن وسەدى, بۇل شامامەن 12,5 ميلليون تەڭگە. ەكىنشى توپتاعى مۇگەدەكتەر ءۇشىن تولەم 1200-دەن 2400 ايلىق ەسەپتىك كورسەتكىشكە (9,4 ميلليون تەڭگە) ارتادى, ال ءۇشىنشى توپ ءۇشىن 500-دەن 1000 ايلىق ەسەپتىك كورسەتكىشكە (3,9 ميلليون تەڭگە) دەيىن كوتەرىلەدى.
