فوتو: istockphoto.com
مەترو جەلىلەرى قالاي وزگەرەدى؟
جوباعا سايكەس, مەترو قالانىڭ بارلىق اۋدانىن قامتيتىن بىرنەشە جاڭا باعىتپەن تولىعادى:
- قالانى اينالاتىن ساقينالى جول: جاسىل جەلى اۋەجايدان باستالىپ, تۇركسىب, جەتىسۋ, الاتاۋ جانە ناۋرىزباي اۋداندارىن باسىپ وتەدى. سودان كەيىن جاندوسوۆ پەن تيميريازەۆ كوشەلەرىنىڭ بويىمەن ءجۇرىپ, قالانىڭ ورتالىق بولىگىمەن قايتا تۇيىسەدى.
- اۋەجايعا باراتىن سارى جەلى: بۇل باعىت «جىبەك جولى» ستانتسياسىنان باستالىپ, گوگول كوشەسى مەن قۇلجا تاسجولى ارقىلى اۋەجايعا جەتەدى. قازىردىڭ وزىندە بۇل قۇرىلىس ءۇشىن 93 جەر تەلىمىن مەملەكەت مۇقتاجىنا الۋ تۋرالى شەشىم شىققان.
- ەكى ۆوكزال اراسىنداعى بايلانىس: قىزىل جەلى «رايىمبەك» ستانتسياسىنان سەيفۋللين داڭعىلى بويىمەن «الماتى-1» ۆوكزالىنا دەيىن سوزىلادى.
- سولتۇستىك باعىت: كۇلگىن تۇسپەن بەلگىلەنگەن ءۇشىنشى جەلى «سايران» ستانتسياسىنان سولتۇستىك اينالما جولى ارقىلى جاڭادان قۇرىلعان الاتاۋ قالاسىنا دەيىن بارادى.
قۇرىلىس قاشان اياقتالادى؟
اكىمدىك مالىمەتىنشە, 2026 جىلى «قالقامان» ستانتسياسى اشىلادى. سونداي-اق سول جىلى ءبىرىنشى جەلىنىڭ سوڭعى نۇكتەسى – «بارلىق» بازارىنا دەيىنگى ۋچاسكەنىڭ قۇرىلىسى باستالىپ, 3 جىلدا اياقتالادى دەپ كۇتىلەدى. ال قالعان بارلىق باعىتتاردى كەزەڭ-كەزەڭىمەن 2040 جىلعا دەيىن ىسكە قوسۋ جوسپارلانعان.
الماتى مەتروسىنىڭ «قالقامان» ستانتسياسى مەرزىمىنەن بۇرىن پايدالانۋعا بەرىلەدى
ايتا كەتەيىك, مەترو قۇرىلىسى ءۇشىن المالى, مەدەۋ جانە تۇركسىب اۋداندارىنداعى بىرقاتار نىسان سۇرىلەدى. تۇرعىندار جوبانىڭ تولىق سحەماسىمەن ساۋلەت جانە قالا قۇرىلىسى باسقارماسىنىڭ سايتىندا تانىسا الادى.
