سۋرەت: ortcom.kz
«تاۋارلاردىڭ شىعۋىن راستاۋدىڭ بۇرىنعى مەحانيزمىمەن سالىستىرعانداعى ءتىزىلىمنىڭ باستى ايىرماشىلىعى – بارلىق ۇدەرىس تولىق تسيفرلاندىرىلعان. وتىنىشتەردى بەرۋ, ولاردى تەكسەرۋ جانە شەشىم قابىلداۋ تولىعىمەن ونلاين رەجىمدە جۇزەگە اسىرىلادى, بۇل بارلىق كەزەڭدە اشىقتىق پەن باقىلاۋدى قامتاماسىز ەتەدى», دەدى ونەركاسىپ جانە قۇرىلىس ءمينيسترى ەرسايىن ناعاسپاەۆ.
ەكىنشىدەن, ۇدەرىس بيۋروكراتيادان ارىلادى. جۇيە باسقا مەملەكەتتىك بازالارمەن ينتەگراتسيالانىپ, قۇجاتتار سانىن قىسقارتۋعا, بيزنەسكە تۇسەتىن اكىمشىلىك جۇكتەمەنى تومەندەتۋگە مۇمكىندىك بەرەدى. ۇشىنشىدەن, بۇل قىزمەتتى مەملەكەتتىك ورگاندار جەكە اۋديتورلار مەن ساراپشىلاردىڭ قاتىسۋىنسىز تەگىن كورسەتەدى.
مينيستر جاڭا جۇيەگە ءتيىمدى ءوتۋ ءۇشىن بۇرىن وتاندىق وندىرۋشىلەر مارتەبەسىن راستاعان 1800-دەن اسا يندۋستريالىق سەرتيفيكاتتاردىڭ يەلەرى اتالعان تىزىلىمگە اۆتوماتتى تۇردە اۋىستىرىلعانىن اتاپ ءوتتى. بۇل كومپانيالار ءبىر اي ىشىندە جۇيەدە قاجەتتى مالىمەتتەردى تولىقتىرىپ, ءوتىنىمدى ەتسق ارقىلى راستاۋى قاجەت. قازىر جاڭا پلاتفورماعا مىڭعا جۋىق كومپانيا تىركەلگەن.
