وقۋ ورنىنىڭ باسشىسى, رەكتور ەربول يساقاەۆتىڭ ايتۋىنا قاراعاندا 2025 جىلى م.قوزىباەۆ ات.سقۋ (Kozybayev University) حالىقارالىق QS World University Rankings 2025 رەيتينگى بويىنشا قازاقستاندىق 20 ۋنيۆەرسيتەتتىڭ ءبىرى دەپ تانىلعان.
ال ورتالىق ازيا ۋنيۆەرسيتەتتەرى اراسىنداعى QS Asia 2025 رەيتينگىندەگى ورنىن 50-ءشى ورىننان 32-ءشى ورىنعا كوتەردى. «كادرلىق الەۋەتىمىز دە ارتىپ كەلەدى. ۋنيۆەرسيتەتتە 484 ادام ۇستازدىق ەتەدى. ولار جىل سايىن وزدەرىنىڭ بىلىكتىلىگىن ارتتىرۋدا. مىسالى, سوڭعى ءۇش جىلدا عانا PhD سانى 50 پايىزعا ارتتى. 2024 جىلدان بەرى ۇستازداردىڭ ەڭبەكاقىسى 27% كوتەرىلدى. عىلىممەن اينالىسقاندار, جاڭا زەرتتەۋلەر سانى دا ارتا تۇسۋدە. 2025 جىلى عىلىمعا 1,3 ملرد تەڭگە بولىنسە 2026 جىلعا 3 ملرد تەڭگە قاراستىرىلىپ وتىر», دەدى رەكتور.
مۇندا الەۋمەتتىك ماسەلەلەر دە شەشىمىن تاپقان. وقۋ كامپۋسىن جاڭارتۋ جالعاسۋدا. جاڭادان ەكى وقۋ كورپۋسى, جاڭا جاتاقحانا سالىنىپ, تسيفرلىق ينفراقۇرلىم جاڭعىرتىلدى. ستۋدەنتتەر رەسپۋبليكالىق جانە حالىقارالىق كونكۋرستارعا قاتىسىپ, جۇلدەلى ورىندار الۋدا.
پەتروپاۆل
