فوتو: gov.kz
ولار مايدانگەرگە قورعانىس ءمينيسترىنىڭ قۇتتىقتاۋ حاتى مەن سىيلىقتار تابىس ەتتى.
«سوعىس ارداگەرلەرى ەرەكشە نازار مەن قۇرمەتكە لايىق. ولاردىڭ ءبىزدىڭ يگىلىگىمىز ءۇشىن جاساعان ەڭبەگىن باعالاپ, العىس ءبىلدىرۋ وتە ماڭىزدى», دەدى المالى اۋدانى قورعانىس ىستەرى جونىندەگى باسقارماسىنىڭ توپ باستىعى كاپيتان گۇلسىم باكيروۆا.
ەگدە تارتقانىنا قاراماستان ارداگەر قوناقتاردى جاقسى كوڭىل-كۇيمەن قارسى الىپ, سوعىس جىلدارىنداعى ەستەلىكتەرى تۋرالى سىر شەرتتى.
ۆاسيلي فوميچ 1923 جىلى 23 جەلتوقساندا التاي ولكەسىنىڭ كارپوۆو اۋىلىندا دۇنيەگە كەلگەن. ول كىشى اۆياتسيا ماماندارى مەكتەبىندە وقىپ, اۋە اتقىشى جانە راديست ماماندىقتارىن مەڭگەرگەن.
جاۋىنگەرلىك جولىن 1944 جىلعى ساۋىردە باستاعان. ول دەربەس پريمورسك ارمياسىنىڭ بارلاۋ پولكىنە جىبەرىلىپ, كەيىن III بەلارۋس مايدانى راديوتورابىنىڭ باستىعى بولىپ تاعايىندالعان.
ۆاسيلي فوميچ I دارەجەلى وتان سوعىسى وردەنىمەن, «جاۋىنگەرلىك ەرلىگى ءۇشىن», «كەنيگسبەرگتى العانى ءۇشىن», «گەرمانيانى جەڭگەنى ءۇشىن» جانە باسقا دا مەدالدارمەن ماراپاتتالعان. ۆاسيلي شيپيلەۆ سوعىستان كەيىن دە اسكەري قىزمەتىن جالعاستىرىپ, 1950 جىلى زاپاسقا شىققان.
ارداگەر مايدانگەر بۇرعىلاۋ قوندىرعىسىندا جۇمىسشى, كەيىن شەبەر بولىپ جۇمىس ىستەگەن. ماكارون فابريكاسىندا تەر توگە ءجۇرىپ, 6-شى دارەجەلى سلەسار بولعان. وسى جۇمىس ورنىندا ول جۇبايى ۆالەنتينانى كەزدەستىرىپ, وتاۋ قۇرعان. ەكەۋى 62 جىل بىرگە ءومىر ءسۇرىپ, ريمما, ولگا جانە يرينا اتتى ءۇش قىزدى تاربيەلەگەن. ولاردان التى نەمەرە جانە شوبەرەلەرى بار.
