ماڭعىستاۋدا قحا قازاقستان حالقىن سايلاۋعا قاتىسۋعا شاقىردى

اقتاۋ. 23 ناۋرىز. اقتاۋدا قازاقستان حالقى وبلىستىق اسسامبلەياسىنىڭ «ءبىز قازاقستان حالقىمىز» شاراسى ءوتتى. وندا قازاقستان حالىقتارى اسسامبلەياسى ەل ازاماتتارىن سايلاۋعا قاتىسۋعا شاقىردى. شاراعا 1,5 مىڭنان استام ادام قاتىستى. بۇل تۋرالى egemen.kz ءتىلشىسى حابارلادى. «قازاق حالقىندا «تەڭىز تامشىدان قۇرالادى» دەگەن ماقال بار. ياعني, ەلدىڭ بولاشاق تاعدىرى اربىرەۋىمىزدىڭ شەشىمىمىزگە بايلانىستى. ويتكەنى ەلدىڭ ەرتەڭى بۇگىن قالانادى. ءبارىمىز قازاقستاننىڭ تاريحىن جاساۋ ۇستىندەمىز. وسى اۋىزبىرشىلىگىمىز جاسامپازدىق پەن بەيبىتشىلىككە, تاتۋلىق پەن ىنتىماقتاستىققا باعىتتالعان باۋىرلاستىق رەتىندە قازاقستان جىلناماسىنا ەنەدى دەپ سەنەمىن», – دەدى «بۋلگار» تاتار ەتنومادەني ورتالىعىنىڭ ءتورايىمى زۋلفيا بەرنەەۆا. سونداي-اق, «حالىق كەلىسىمى» قوعامدىق بىرلەستىگىنىڭ توراعاسى يۋسۋپ شاحشاەۆ, اباي اتىنداعى مدك-ءنىڭ باس ديرەكتورى يۋري ديرر, «ەحپايرۋتيۋن» ارميان ەتنومادەني بىرلەستىگىنىڭ جاستار قاناتىنىڭ وكىلى گرەتا حاچاتۋريان حالىقتى سايلاۋعا ءبىر كىسىدەي قاتىسۋعا شاقىردى. شارا سوڭى پاتريوتتىق اندەر ورىندالعان كونتسەرتتىك باعدارلاماعا ۇلاستى. گۇلايىم شىنتەمىرقىزى. دەرەك, سۋرەت: egemen.kz.