فوتو: اقوردا
بيىل «بايتەرەك» ۇلتتىق ينۆەستيتسيالىق حولدينگى ەل ەكونوميكاسىنا جالپى سوماسى 9 تريلليون تەڭگە قولداۋ كورسەتكەن.
قاراجات بيزنەسكە جاردەم بەرۋگە, اگروونەركاسىپ كەشەنىن دامىتۋعا, تۇرعىن ءۇي قۇرىلىسى مەن يپوتەكالىق نەسيەلەرگە باعىتتالعان.
سونداي-اق حولدينگ وسى جىلى رەسپۋبليكا بويىنشا 25 مىڭعا جۋىق جوبانى قارجىلاندىرعان.
رۋستام قاراعويشين كەزدەسۋ بارىسىندا «دامۋ» قورى بازاسىندا قۇرىلعان كەپىلدىك قورلارىنىڭ قىزمەت ناتيجەلەرىن تانىستىردى.
اتالعان قورلار شاعىن جانە ورتا بيزنەس جوبالارىن, سونداي-اق وڭدەۋ ونەركاسىبى مەن ينفراقۇرىلىم سالالارىنداعى ءىرى ينۆەستيتسيالىق باستامالارعا كومەك كورسەتەدى. «بايتەرەك» ۇلتتىق ينۆەستيتسيالىق حولدينگىنىڭ باسقارما توراعاسى ينۆەستيتسيالىق حولدينگتىڭ جۇمىس مودەلى تۋرالى دا مالىمدەدى.
بۇل «ينۆەستيتسياعا تاپسىرىس» قالىپتاستىرۋ, ءىرى ستراتەگيالىق جوبالاردى سۇيەمەلدەۋ, سونداي-اق تىكەلەي شەتەلدىك ينۆەستيتسيالاردى تارتۋ تەتىكتەرىن دامىتۋدى قاراستىرادى.
قازىر جالپى قۇنى 87 تريلليون تەڭگەگە جۋىق, 1,5 مىڭ ينۆەستيتسيالىق جوبادان تۇراتىن پۋل جاساقتالدى.
پرەزيدەنت ينۆەستيتسيالار تارتۋ جانە ەكونوميكانىڭ ناقتى سەكتورىن قارجىلاندىرۋ اياسىن كەڭەيتۋدىڭ ماڭىزىن اتاپ ءوتىپ, «بايتەرەك» حولدينگىنە باسىم ينۆەستيتسيالىق جوبالاردى ودان ءارى ىسكە اسىرۋدى جانە ەكونوميكاعا ۇزاق مەرزىمدى كاپيتال تارتۋدى قامتاماسىز ەتۋ بويىنشا تاپسىرما بەردى.
