– جاڭا جىل قارساڭىندا داستۇرگە اينالعان پەتەربۋرگتەگى كەزدەسۋىمىز مازمۇندى ءوتتى. ءبىز ەاەو قىزمەتىنە قاتىستى بىرقاتار ماسەلەنى قاراستىرىپ, شەشىمدەر قابىلدادىق. تمد فورماتى اياسىنداعى ىقپالداستىقتىڭ اسا ماڭىزدى, وزەكتى ماسەلەلەرى تالقىلاندى. تمد – بەدەلدى ءارى زامان تالابىنا ساي حالىقارالىق ۇيىم. بيىل ءوزارا ىنتىماقتاستىعىمىز تابىستى بولعانى ءسوزسىز. ەكىجاقتى قارىم-قاتىناس قارقىندى دامىپ كەلەدى. 12 قاراشادا رەسەيگە جاساعان مەملەكەتتىك ساپارىم وتە ناتيجەلى ءوتتى. سول ساپار بارىسىندا قوناقجايلىق تانىتقانىڭىز ءۇشىن سىزگە ريزاشىلىعىمدى بىلدىرەمىن. قازاقستان رەسەيمەن ستراتەگيالىق سەرىكتەستىك جانە وداقتاستىق بايلانىستارعا ەرەكشە ءمان بەرەدى. ءبىز قازاقستان مەن رەسەي ازاماتتارىنىڭ كۇندەلىكتى تۇرمىس-تىرشىلىگىنە قاتىستى ماسەلەلەردە بىرگە ارەكەت ەتۋىمىز قاجەت. ىنتىماقتاستىعىمىز بەن ستراتەگيالىق سەرىكتەستىگىمىزدى نىعايتۋعا باعىتتالعان ورتاق جۇمىسىمىز قوس حالىقتىڭ تۇپكى مۇددەسىنە ساي كەلەدى. – دەدى مەملەكەت باسشىسى.
ال ۆلاديمير پۋتين ەكى ەل اراسىندا بارلىق سالا وڭ قارقىنمەن العا ىلگەرىلەپ كەلە جاتقانىن جەتكىزدى.
– ءبىز كەشەدەن بەرى ءبىراز جۇمىس اتقاردىق. بۇگىنگى بەيرەسمي كەزدەسۋ بارىسىندا ۇقشۇ, تمد اياسىنداعى قىزمەتىمىزدى جانە ەكىجاقتى ىنتىماقتاستىق جاعدايىن تالقىلادىق. دەگەنمەن سىزبەن قازاقستان جانە رەسەي اراسىنداعى ءوزارا بايلانىستاردىڭ باسىم باعىتتارىن دامىتۋ ءۇشىن ارنايى كەزدەسكەنىمە قۋانىشتىمىن. مەنىڭ ويىمشا, بارلىق سالا وڭ قارقىنمەن العا ىلگەرىلەپ كەلەدى. ەكى ەل اراسىندا شەشىلمەگەن نەمەسە تۇيتكىلدى ماسەلە جوق. – دەدى رەسەي پرەزيدەنتى.
