فوتو: اشىق دەرەككوز
استانا اكىمىنىڭ ايتۋىنشا, قازىرگى تاڭدا جەڭىل رەلستى كولىك جۇيەسى 2,6 ايدان بەرى سىناق رەجيمىندە جۇمىس ىستەپ تۇر. وسى ايدىڭ سوڭىنا دەيىن جوباعا قاجەتتى بارلىق ۆاگونداردىڭ جەتكىزىلىمى تولىق اياقتالادى دەپ كۇتىلەدى. قازىرگى ۋاقىتتا بەكەتتەردىڭ ىشكى ارلەۋ جۇمىستارى سوڭعى كەزەڭگە كەلگەن.
ء«بىز باستاپقىدا سىناق رەجيمى ءۇش ايدان التى ايعا دەيىن سوزىلاتىنىن ايتقان بولاتىنبىز. دەگەنمەن, الداعى ەكى ايدىڭ ىشىندە بارلىق جۇمىستاردى تولىق اياقتاپ, LRT-نى جۇمىس رەجيمىندە ىسكە قوسۋدى جوسپارلاپ وتىرمىز», دەدى اكىم ورتالىق كوممۋنيكاتسيالار قىزمەتىندە وتكەن بريفينگتە.
جاڭا كولىك جۇيەسى ىسكە قوسىلعان سوڭ ەسىل جانە نۇرا اۋداندارىنداعى كەپتەلىس ماسەلەسىن شەشۋگە سەپتىگىن تيگىزبەك.
اسىرەسە, قالداياقوۆ, سىعاناق كوشەلەرى مەن قابانباي باتىر داڭعىلىنداعى كولىك كەپتەلىسى ايتارلىقتاي جەڭىلدەيدى دەپ بولجانىپ وتىر.
ەسكە سالا كەتەيىك, LRT جۇيەسىن كەشەندى سىناقتان وتكىزۋ جۇمىستارى بيىلعى جىلدىڭ 29 قىركۇيەگىندە باستالعان بولاتىن.
