پرەزيدەنت, سپورتشىلار, مادەنيەت مايتالماندارى: ەل ريزاشىلىعىنا بولەنگەن 2025 جىلدىڭ ۇزدىكتەرى كىمدەر؟

2025 جىل ەل تۇرعىندارى ءۇشىن جاڭارتۋلار مەن تەحنولوگيالىق سەرپىلىس جىلى رەتىندە ەستە قالدى. ساۋالناما ناتيجەسى كورسەتكەندەي, قوعام سپورتتاعى, مادەنيەتتەگى جەتىستىكتەردى جانە قاراپايىم ازاماتتاردىڭ ەرلىگىن جوعارى باعالايدى.

2025 جىلدىڭ باستى تۇلعالارى

رەسپوندەنتتەر «جىل ادامى» كىم دەگەن سۇراققا جاۋاپ بەرە وتىرىپ, ءبىرىنشى كەزەكتە پرەزيدەنت قاسىم-جومارت توقاەۆتى اتادى. بۇل مەملەكەت باسشىسىنىڭ ەل ومىرىندەگى باستى تۇلعا رەتىندەگى رولىنە بەرىلگەن باعا.
ودان كەيىنگى ورىندارعا كەلەسى تۇلعالار جايعاستى:

• «قايرات» فۋتبول كلۋبىنىڭ ويىنشىلارى;
• گەننادي گولوۆكين جانە ديماش قۇدايبەرگەن;
• ۇلدانا مىرزۋان (فەلدشەر) جانە مۇسا ءابدىرايىم (الماتى اۋەجايىندا كەپىلگە الىنعان ايەلدى قۇتقارۋشى).

2025 جىلى ەل ومىرىندە قانداي وزگەرىستەر بولدى؟

مادەنيەت پەن ونەر

2025 جىلى وتاندىق كينو ءوندىرىسى وتباسىلىق قۇندىلىقتار مەن الەۋمەتتىك جاۋاپكەرشىلىك تاقىرىپتارىنا باسىمدىق بەردى. جىلدىڭ ۇزدىك فيلمدەرى قاتارىنا «اۋرۋ», «ىستىق ۇيا», «پاترۋل. سوڭعى بۇيرىق» جانە «وفسايد» تۋىندىلارى ەندى.

مۋزىكا سالاسىندا ديماش قۇدايبەرگەن مەن قايرات نۇرتاس كوش باستاپ تۇر. سونىمەن قاتار جاڭا تولقىن وكىلدەرى – Sadraddin, ALEM, «يرينا كايرات» توبى, Yenlik, Raim, مولدانازار جانە NINETY ONE تىڭدارمان ءىلتيپاتىنا بولەندى. Apple Music چارتتارىندا ALEM-ءنىڭ «Kuiim» جانە Yenlik-ءتىڭ «16 Qyz» اندەرى الەمدىك حيتتەرمەن يىق تىرەسىپ تۇر.

جىل سوزدەرى

ازاماتتار ءۇشىن 2025 جىلدىڭ ماعىناسىن اشاتىن باستى سوزدەر – «دامۋ», «تسيفرلاندىرۋ» جانە «جاساندى ينتەللەكت». بۇل ەلدىڭ تەحنولوگيالىق باعىتقا بەت بۇرعانىن ايقىندايدى. سونداي-اق, رەسپوندەنتتەر «ساتتىلىك», «جاڭارۋ», «بىرلىك» جانە «تۇراقتىلىق» سياقتى ءپوزيتيۆتى ۇعىمداردى ءجيى اتاعان.

2025 جىلى ەل ەسىندە قالعان 10 ماڭىزدى وقيعا

زەرتتەۋ بويىنشا, حالىقتىڭ باسىم كوپشىلىگى (89%) مەرەكەنى ءوز ۇيىندە, وتباسىلىق داستارقان باسىندا قارسى الۋدى جوسپارلاپ وتىر. بۇل حالىقتىڭ وتباسىلىق قۇندىلىقتارعا ادالدىعىن كورسەتەدى.