فوتو: ۆيدەودان الىنعان كادر
مالىمەت تۇسكەن بويدا ارقالىق قالاسىنىڭ توتەنشە جاعدايلار دەپارتامەنتىنىڭ ماماندارى وقيعا ورنىنا شۇعىل جەتتى. قۇتقارۋشىلار تەك قاۋىپسىزدىكتى قامتاماسىز ەتىپ قانا قويماي, جۇرگىزۋشىگە تەحنيكالىق كومەك كورسەتتى:
- كولىكتى جوندەۋگە قاجەتتى ارنايى قۇرىلعىلار جەتكىزىلدى.
- تىركەمەدەگى جىلقىلارعا ارناپ جەم-ءشوپ ۇيىمداستىرىلدى.
- جۇرگىزۋشى مەن كولىكتىڭ تەحنيكالىق جاعدايى تولىق باقىلاۋعا الىندى.
«قۇتقارۋشىلاردىڭ جەدەل ارەكەتىنىڭ ارقاسىندا جاعداي تۇراقتالدى. كولىككە دە, تاسىمالدانىپ جاتقان جانۋارلارعا دا ەشقانداي قاۋىپ جوق», دەلىنگەن حابارلامادا.
توتەنشە جاعدايلار مينيسترلىگى ازاماتتارعا الىس جولعا شىعاردا اۋا رايى بولجامى مەن جولداردىڭ جاي-كۇيىن مىندەتتى تۇردە تەكسەرىپ, تەحنيكانىڭ جارامدىلىعىنا كوز جەتكىزۋ قاجەتتىگىن ەسكەرتەدى.
