سالتاناتتى جيىندا اسكەري ءبولىم كومانديرى پولكوۆنيك ەرلان بۋرانباەۆ ساربازدارعا اق جول تىلەپ, جۇرەكجاردى لەبىزىن ءبىلدىردى. سونىمەن قاتار ەرلان كارىمجان ۇلى ءوز سوزىندە ساربازداردىڭ اسكەري قىزمەت بارىسىندا قالىپتاسقان ءتارتىبى, جاۋاپكەرشىلىگى مەن توزىمدىلىگى ولاردىڭ الداعى ازاماتتىق ومىرىندە دە ۇلكەن پايداسىن تيگىزەتىنىن اتاپ ءوتتى.
«سىزدەر ءبىر جىل ىشىندە ناعىز ەر-ازامات بولىپ قالىپتاستىڭىزدار. اسكەري قىزمەت - تەك ءتارتىپ پەن شىدامدىلىقتىڭ مەكتەبى ەمەس, بۇل وتانعا دەگەن سۇيىسپەنشىلىكتى تەرەڭ ءتۇسىنۋدىڭ جولى. ارقايسىڭىز ەلدىڭ تىنىشتىعىن كۇزەتكەندەرىڭىز ءۇشىن ماقتانىشقا لايىقسىزدار. الداعى ءومىر جولدارىڭىز اشىق, قادامدارىڭىز نىق بولسىن», دەدى ول.
قىزمەت بارىسىندا ەرەكشە كوزگە تۇسكەن ۇزدىك اسكەري قىزمەتشىلەر ماراپاتتالىپ, بارشا ساربازدارعا ادال قىزمەتى مەن جوعارى ءتارتىبى ءۇشىن ءبولىم كومانديرىنىڭ اتىنان العىس حات تابىستالدى.
