ءاسانالى ءاشىم ۇلى ءاشىموۆ 1937 جىلى 8 مامىردا جامبىل وبلىسى سارىسۋ اۋدانىنداعى جايىلما اۋىلىندا تۋعان.
كينو جانە تەاتر اكتەرى, رەجيسسەرى, تەاتر پەداگوگى, پروفەسسور, قازاقستان تەاترلار اسسوتسياتسياسىنىڭ پرەزيدەنتى. مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى.
مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى ساحناسىندا م. اۋەزوۆتىڭ «ابايىندا» كەرىم, «ەڭلىك-كەبەگىندە» كەبەك, «قارا قىپشاق قوبىلاندىسىندا» ايشۋاق, «تاڭعى جاڭعىرىعىندا» جاراسباي, ع. مۇسىرەپوۆتىڭ «قوزى كورپەش-بايان سۇلۋىندا» قودار, ق. مۇحامەدجانوۆ, ش. ايتماتوۆتىڭ «كوكتوبەدەگى كەزدەسۋىندە» يوسيف تاتاەۆيچ, شەكسپيردىڭ «يۋلي تسەزارىندە» يۋلي تسەزار, م. ءفريشتىڭ «دون جۋاننىڭ دۋمانىندا» دون جۋان, ءا. نۇرپەيىسوۆتىڭ «قان مەن تەرىندە» ەلامان, ي. ۆوۆنيانكونىڭ «اپاتىندا» باس كەيىپكەر, تاعى دا باسقا كوپتەگەن قويىلىمدا كورنەكتى اكتەردىڭ ايشىقتى ونەگەسى مەن ورنەكتى ءىزى جاتىر.
ال, ا.ءاشىموۆتىڭ قارا شاڭىراق ساحناسىنداعى سوڭعى كۇردەلى جۇمىسى گ. گاۋپتماننىڭ «ىمىرتتاعى ماحاببات» دراماسىنداعى دوكتور كلاۋزەن جانە ت.ب كوپتەگەن بەينەلەردى سومدادى.
ءاشىموۆ قازاق كينوسىن الەمدىك دەڭگەيگە كوتەرگەن اكتەرلەردىڭ ءبىرى. ونىڭ كينوداعى بەكەجان, شادياروۆ, مامبەت, قاسىمحانوۆ رولدەرى ناعىز اكتەرلىك شەبەرلىكتىڭ ۇلگىسى ىسپەتتى. ءاشىموۆ ونەرىنە ارنالعان ء“اسانالى” دەرەكتى ءفيلمى ءتۇسىرىلدى.
