بۇعان دەيىن جىلاندى ءوڭىرىنىڭ 32 جاستاعى تۋماسى ديۆيزيون رەيتينگىندە ءبىرىنشى ورىندا تۇرعان ەدى. الايدا ايدىڭ باسىندا VADA دوپينگ-تەستىنىڭ وڭ ناتيجەسىنە بايلانىستى ول ۇزدىكتەر تىزىمىنەن تولىقتاي شىعارىلدى. بۇل تۋرالى جۋرنالدىڭ رەسمي جاڭارتۋىندا ايتىلعان:
– بۇرىن رەيتينگتىڭ ءبىرىنشى ءنومىرى بولعان جانىبەك ءالىمحان ۇلى وسى ايدىڭ باسىندا الىنعان VADA دوپينگ-تەستىنىڭ جاعىمسىز ناتيجەسىنەن كەيىن تىزىمنەن شىعارىلدى. سونىڭ سالدارىنان قالعان بارلىق بوكسشىلار ءبىر ساتىعا جوعارىلادى, ال كىشى حەسۋس راموس رەيتينگتىڭ العاش رەت وندىققا كىردى, – دەپ حابارلايدى The Ring.
جاڭارتىلعان رەيتينگتە ءبىرىنشى ورىنعا WBC چەمپيونى كارلوس ادامەس (24-1-1, 18 كو) كوتەرىلدى. ال ۇزدىك ۇشتىكتى كۋبالىق بوكسشىلار - يوەنليس ەرناندەس (8-0, 7 كو) پەن ەريسلاندي لارا (31-3-3, 19 كو) تۇيىندەدى.
