سۋرەت اشىق دەرەككوزدەن الىندى
تيللي دەمالىسقا شىقپاس بۇرىن گەوگرافيا ساباعىندا ءتسۋناميدىڭ بەلگىلەرىن وقىپ جۇرگەن. سول سەبەپتى ول جاعاجايدا تەڭىزدىڭ كەنەت شەگىنىپ, سۋدىڭ بۇرىنعى دەڭگەيىنەن كۇرت تومەندەگەنىن كورگەن ساتتە قاۋىپتى بىردەن اڭعارعان. وقۋشى قىز اتا-اناسىنا مۇنىڭ تسۋنامي الدىنداعى اسا قاتەرلى بەلگى ەكەنىن ەسكەرتىپ, بۇل جاقتان تەز كەتۋ كەرەكتىگىن ايتادى. ءتيلليدىڭ تاباندىلىعى كوپشىلىكتى دە ويلاندىرعان. اتا-اناسى قوناقۇي قىزمەتكەرلەرىنە ەسكەرتىپ, تۋريستەردى قاۋىپسىز جەرگە شۇعىل شىعارۋعا كومەكتەسەدى. از ۋاقىتتان سوڭ, الىپ تولقىن سوعىپ, جاعالاۋدى سۋ باسقانىمەن, الدىن الا جاسالعان ەۆاكۋاتسيانىڭ ارقاسىندا جۇزدەگەن ادام امان قالعان. كەيىن تيللي بۇۇ مىنبەرىندە ءسوز سويلەپ, ونىڭ قۇرمەتىنە شاعىن عالامشارلاردىڭ ءبىرى اتالدى.
