مەملەكەت باسشىسى ەرەكشە بالالارعا مەديتسينالىق جانە الەۋمەتتىك قولداۋ كورسەتۋ ماقساتىندا وڭالتۋ ورتالىقتارىنىڭ جەلىسىن كەڭەيتۋدى تاپسىرعان بولاتىن. وسى ورايدا وبلىستا ءتيىستى جۇمىس جۇرگىزىلىپ, قولداۋ كورسەتىلىپ كەلەدى. تۇركىستاندا ينكليۋزيۆتى باعىتتا العاشقى ونەر ۇجىمى اشىلىپ, «جارىق» قويىلىمىن ۇسىنۋى – سول قولداۋ ناتيجەلەرىنىڭ ءبىر كورىنىسى. «كونگرەسس حولل» كوپسالالى كەشەنىندە وتكەن ءىس-شاراعا وبلىس اكىمى نۇرالحان كوشەروۆ قاتىسىپ, تەاتردىڭ اشىلۋىمەن قۇتتىقتادى.
«بۇل – جاي عانا تەاتر ەمەس, ونەر مەن جىگەر توعىسقان مۇمكىندىكتەر الاڭى. ونەردە دە تەڭ مۇمكىندىكتەر قالىپتاستىرىپ, ەرەكشە قابىلەتتى بالالاردىڭ تالانتىن تانىتۋدى ماقسات ەتكەن تەاتردىڭ بولاشاعى جارقىن بولادى دەپ سەنەمىن. بيىلدىڭ وزىندە وبلىستاعى كاسىبي 3 تەاتردا 310 قويىلىم كورسەتىلىپ, 30-عا جۋىق پرەمەرا كورەرمەن نازارىنا ۇسىنىلدى. قويىلىمدار ەلىمىزدىڭ بىرنەشە ايماعىندا ساحنالانىپ, حالىقتىڭ ەرەكشە ىقىلاسىنا يە بولدى. «دارا ۇرپاق» تەاترى دا وسى ونەر ۇجىمدارى cياقتى بيىك شىڭداردى باعىندىرادى دەپ سەنەمىن. سەبەبى بۇل تەاتردا ونەرلى, قايسار جانە اسا تالانتتى بالالارىمىز ونەر كورسەتەدى», دەدى وبلىس اكىمى.
سونداي-اق سالتاناتتى راسىمدە تەاتردىڭ قۇرىلتايشىلارى – الەۋمەتتىك كاسىپكەر رۋحابزا قالداربەك پەن «دارا ۇرپاق» قوعامدىق قورىنىڭ باسشىسى, قالالىق ءماسليحات دەپۋتاتى ەربول كوكەنوۆ بۇل پرەمەرا ۇزىلمەگەن ءۇمىتتىڭ, ەرەكشە جانداردىڭ جەڭىسى ەكەنىن اتاپ ءوتتى.
ميۋزيكل LED ەكراننان قاتىسۋشىلاردى تانىستىراتىن بەينەروليكپەن باستالىپ, ءاليدىڭ اسەرلى ساحنالىق كورىنىسىمەن جالعاستى. قولارباداعى بيشىلەردىڭ توپتىق ءبيى مەن «ەرەكشە بالالاردىڭ» ونەرى كورەرمەنگە وزگەشە اسەر سىيلادى. سونىمەن قاتار بەينەروليك ارقىلى بالالاردىڭ سۋرەت بايقاۋىنداعى ەڭ ۇزدىك شىعارمالارى كورەرمەن نازارىنا ۇسىنىلدى. ساحنا تورىندە دتسپ, داۋن سيندرومى, اۋتيزم, راس, زپر دياگنوزى بار, كورۋ جانە ەستۋ قابىلەتى شەكتەۋلى 70 تالانتتى بالا ونەر كورسەتتى. قويىلىم سوڭىندا بارلىق قاتىسۋشى ء«ومىر ءسۇر» ءانىن ورىندادى. دارىندى بالالاردى وبلىستىڭ تەاتر ارتىستەرى مەن جاس ونەرپازدارى دا قولداپ, بىرگە ونەر كورسەتتى.
تۇركىستان
