فوتو: istockphoto.com
قابىلدانعان وزگەرىستەردىڭ ءتۇپ نەگىزى كوممۋنالدىق مەملەكەتتىك مەكەمە ديرەكتورى ازامات ا.بەلگىباەۆتىڭ ءوتىنىشى بويىنشا شىعارىلعان كونستيتۋتسيالىق سوتتىڭ اتالعان تىيىمدى كونستيتۋتسياعا قايشى دەپ تانۋى تۋرالى شەشىمى بولدى. كونستيتۋتسيالىق سوت كاسىپكەرلىك قىزمەتكە قويىلاتىن شەكتەۋلەر لاۋازىمدىق مىندەتتەردىڭ سيپاتىنا بايلانىستى جانە سارالانعان بولۋى كەرەك ەكەنىن اتاپ وتكەن ەدى.
جاڭا زاڭعا سايكەس, ۆەدومستۆولىق ۇيىم باسشىلارى بۇرىنعىداي سىبايلاس جەمقورلىق قۇقىقبۇزۋشىلىق سۋبەكتىسىنە جاتادى جانە مەملەكەتتىك قىزمەتشىلەرمەن تەڭ دارەجەدە سىبايلاس جەمقورلىققا قارسى ورگاننىڭ نازارىندا بولادى.
ولارعا قاتىستى قارجىلىق باقىلاۋ شارالارى, مۇددەلەر قاقتىعىسىنىڭ الدىن الۋ جونىندەگى تالاپتار, سونداي-اق تۋىستارىمەن بىرلەسىپ جۇمىس ىستەۋگە تىيىم سالۋ نورمالارى سياقتى سىبايلاس جەمقورلىققا قارسى شەكتەۋلەر قولدانىلا بەرەدى.
تيىسىنشە, اتالعان باسشىلار كاسىپكەرلىك قىزمەتتى جۇزەگە اسىرۋ بارىسىندا بەلگىلەنگەن شەكتەۋلەردى, ونىڭ ىشىندە قىزمەتتىك م ۇلىكتى پايدالانۋ نەمەسە مۇددەلەر قاقتىعىسى كەزىندە قىزمەت جۇرگىزۋ تالاپتارىن بۇزعان جاعدايدا, «سىبايلاس جەمقورلىققا قارسى ءىس-قيمىل تۋرالى» زاڭعا سايكەس سىبايلاس جەمقورلىققا قارسى شەكتەۋلەردى ساقتاماعانى ءۇشىن قىزمەتتەن بوساتۋ تۇرىندەگى قاتاڭ جاۋاپكەرشىلىك كوزدەلگەن.
