فوتو: اشىق دەرەككوز
14 جەلتوقسان كۇنى «ايشا ءبيبى» وتكىزۋ پۋنكتىندە شەكارالىق باقىلاۋ كەزىندە تەحنيكالىق قۇرالداردىڭ كومەگىمەن ءبىر كولىكتەن كۇدىك تۋدىراتىن زاتتار تابىلدى. اۆتوكولىكتىڭ جاسىرىن بولىكتەرىندە «999» تاڭباسى بار 36 قاپ ەسىرتكى زاتى جاسىرىلعان ەكەن.
ۇقك ءباسپاسوز قىزمەتىنىڭ حابارلاۋىنشا, جۇرگىزىلگەن ساراپتاما ناتيجەسىندە تاركىلەنگەن زاتتاردىڭ جالپى سالماعى 30 كەلىدەن اسقانى راستالدى. اتاپ ايتقاندا, 0,999 كەلى گەروين, 3,620 كەلى اپيىن جانە 25,949 كەلى گاشيش ەسىرتكىلەرى انىقتالدى.
بۇل دەرەك بويىنشا شەتەلدىك ازامات ۇستالىپ, وعان قاتىستى سوتقا دەيىنگى تەرگەپ-تەكسەرۋ امالدارى باستالدى.
