سۋرەتتى تۇسىرگەن – ەرلان ومار, «EQ»
جيىندا ەكونوميكالىق ىنتىماقتاستىق جانە دامۋ ۇيىمىنىڭ سىبايلاس جەمقورلىققا قارسى كۇرەس جونىندەگى ىستانبۇل جوسپارىنا سايكەس مونيتورينگ جۇرگىزۋدىڭ 5-راۋندى اياسىندا اتقارىلعان جۇمىستار تالقىلاندى.
وتىرىستا مەملەكەتتىك قىزمەت ىستەرى اگەنتتىگىنىڭ ءتور-اعاسى دارحان جازىقباي, باس پروكۋرور بەرىك اسىلوۆ, قارجى ءمينيسترى ءمادي تاكيەۆ, ادىلەت ءمينيسترى ەرلان سارسەمباەۆ بايانداما جاسادى.
ۋاكىلەتتى ورگانداردىڭ وكىلدەرى حالىقارالىق وزىق تاجىريبەلەردى ەنگىزۋ ارقىلى ەلىمىزدىڭ قۇقىق قولدانۋ تاجىريبەسىن جەتىلدىرۋ باعىتىندا قابىلدانىپ جاتقان شارالار تۋرالى باياندادى.
قازىرگى تاڭدا سىبايلاس جەمقورلىققا قارسى ۇلتتىق زاڭنامانى جەتىلدىرۋگە باعىتتالعان زاڭ جوباسى پارلامەنت ءماجىلىسىنىڭ قاراۋىنا ەنگىزىلدى.
جيىن سوڭىندا ەرلان قارين سىبايلاس جەمقورلىققا قارسى كۇرەس جونىندەگى ىستانبۇل جوسپارى اياسىنداعى ۇسىنىمداردى جان-جاقتى پىسىقتاۋ ماڭىزدى ەكەنىن اتاپ ءوتتى.
