فوتو: استانا اكىمدىگى
سول كۇنى ساعات 17:30-دان باستاپ بارلىق نەگىزگى لوكاتسيالاردا كونتسەرتتىك باعدارلامالار باستالادى. قالا تۇرعىندارى مەن قوناقتارىن مۇز ايدىندارى, سىرعاناقتار, شاعىن ساۋلەتتىك فورمالار, فوتوزونالار جانە ءتۇرلى مەرەكەلىك ويىن-ساۋىق كۇتەدى. سونىمەن قاتار: «استانا ارەنا» ستاديونىندا – درون-شوۋ, اقبۇلاق وزەنىنىڭ جاعالاۋىندا – مەرەكەلىك وتشاشۋ وتەدى.
نۇرا اۋدانى
اۋداندا شىرشالار 11 لوكاتسيادا جاعىلادى. 25 مەترلىك اۋداندىق شىرشا «استانا ارەنا» ستاديونىنىڭ اۆتوتۇراعىندا ورناتىلادى. مۇندا مۇز ايدىنى, سىرعاناقتار, فوتوزونالار مەن بالالارعا ارنالعان ينتەراكتيۆتەر ۇيىمداستىرىلادى. شىرشا شامى جاعىلار الدىندا درون-شوۋ كورسەتىلەدى.
ورتالىق ساياباقتا ۇزىندىعى 213 مەترلىك شەڭبەرلى مۇز ايدىنى, سىرعاناقتار, فوتوزونالار جانە «ايۋلار وتباسى» جارىق ينستاللياتسياسى ورناتىلدى. ساياباقتىڭ ورتالىق كىرەبەرىسىندە 24 مەترلىك شىرشا قويىلعان.
عاشىقتار پاركىندە ساۋدا پاۆيلوندارى, مۇز ايدىنى, جارىق اركالار, «باقىتتىمىن» مۇسىندىك كومپوزيتسياسىنىڭ مەرەكەلىك بەزەندىرىلۋى جانە بۇعى, قويان, ايۋ بەينەلەرىندەگى شاعىن ساۋلەتتىك فورمالار بار.
ايتەكە بي كوشەسىندەگى اللەيادا جانە «بۋحارەست» پاركىندە جارىق ينستاللياتسيالار مەن فوتوزونالار ورناتىلعان.
«ۇركەر» تۇرعىن الابىندا مۇز ايدىنى مەن قار سىرعاناقتارى اشىلادى.
الماتى اۋدانى
اۋداندا شىرشالار 4 نەگىزگى لوكاتسيادا جاعىلادى.
اقبۇلاق جاعالاۋىندا 25 مەترلىك شىرشا ورناتىلىپ, گنومدار, قوياندار, جارىق اعاشتار مەن فوتوزونالار قويىلادى. بۇل جەردە مەرەكەلىك ساليۋت بولادى.
«جەرۇيىق» پاركىندە ديامەترى 80 مەترلىك مۇز ايدىنى, سىرعاناق جانە 2 ءتىرى شىرشا بەزەندىرىلگەن.
سونداي-اق قاجىمۇقان مۇڭايتپاسوۆ كوشەسىندەگى «كوليزەي» الاڭىندا جانە قوشقارباەۆ داڭعىلى بويىندا مەرەكەلىك ينستاللياتسيالار مەن سىرعاناقتار جۇمىس ىستەيدى.
ەسىل اۋدانى
نەگىزگى مەرەكەلىك الاڭ – EXPO اۋماعى. مۇندا 22 مەترلىك شىرشا, مۇز ايدىنى مەن سىرعاناق ورناتىلادى. شىرشالار سونداي-اق بوتانيكالىق باقتا, «جەتىسۋ» پاركىندە, «باعىستان» تۇرعىن كەشەنىندە جانە باسقا قوعامدىق كەڭىستىكتەردە جاعىلادى.
سارايشىق اۋدانى
«قازاق ەلى» مونۋمەنتى الاڭىندا بيىكتىگى 25 مەترلىك شىرشا ورناتىلادى. الاڭ ەرتەگى الەمى ستيلىندە بەزەندىرىلىپ, فوتوزونالار جاسالادى.
سارىارقا اۋدانى
اۋداندا 6 جاڭاجىلدىق شىرشا قويىلعان. قالالىق الاڭدا 13 مەترلىك ءتىرى شىرشا, 600 شارشى مەترلىك مۇز ايدىنى, سىرعاناقتار مەن كونتسەرتتىك باعدارلاما ۇيىمداستىرىلادى. بالالاردى اياز اتا مەن اقشاقار قارسى الادى.
بايقوڭىر اۋدانى
ك.اتاتۇرىك اتىنداعى ساياباقتا 20 مەترلىك شىرشا, مۇز ايدىنى مەن سىرعاناقتار ورناتىلادى. «جاستار» سارايى ماڭىندا 18 مەترلىك شىرشا جانىپ, كونتسەرتتەر مەن بالالارعا ارنالعان ويىندار وتەدى.
بيىلعى كونتسەپتسيا
بيىل ەلورداداعى جاڭاجىلدىق ءىس-شارالار «ەرتەگى Fest» بىرىڭعاي ەرتەگىلىك ستيلىندە وتەدى. قالا جارىق, ينستاللياتسيالار مەن قىسقى ويىن-ساۋىقتارعا تولى ناعىز ەرتەگى الەمىنە اينالادى.
اكىمدىك مالىمەتىنشە, مۇز ايدىندارى, سىرعاناقتار, فوتوزونالار مەن بەزەندىرۋ جۇمىستارى جەلتوقسان ايىنىڭ باسىندا باستالعان, جۇمىستار كەزەڭ-كەزەڭىمەن اياقتالادى.
