فوتو: gov.kz
بايقاۋعا كونگو, كامەرۋن, وڭتۇستىك كورەيا, جاپونيا جانە وزگە دە ەلدەردەن كەلگەن 20 ۇزدىك ستۋدەنت قاتىسىپ, جاساندى ينتەللەكت پەن تەرەڭ وقىتۋ تەحنولوگيالارى بويىنشا وزىق جوبالارىن ۇسىنعان.
قاتىسۋشىلاردىڭ كاسىبي دايارلىعى, پراكتيكالىق بىلىكتىلىگى جانە يننوۆاتسيالىق شەشىمدەرى حالىقارالىق ساراپشىلار تاراپىنان جوعارى تالاپتار بويىنشا باعالانعان.
ايتا كەتەيىك, يلياس گاتين بۇعان دەيىن دە بىرقاتار رەسپۋبليكالىق جانە حالىقارالىق جارىستاردا جوعارى ناتيجە كورسەتكەن. ول WorldSkills Kazakhstan–2024 ۇلتتىق چەمپيوناتىندا ء«موبيلدى قوسىمشالاردى ازىرلەۋ» قۇزىرەتتىلىگى بويىنشا كۇمىس مەدال يەلەنگەن. سونىمەن قاتار, ProIT كومانداسىنىڭ قۇرامىندا «Inform Defence Hackathon» حاكاتونىندا ءى ورىندى جەڭىپ العان.
بۇل جەتىستىك قازاقستاندىق كوللەدج ستۋدەنتتەرىنىڭ جاساندى ينتەللەكت, تسيفرلىق تەحنولوگيالار جانە يننوۆاتسيا سالاسىندا الەمدىك دەڭگەيدە باسەكەگە قابىلەتتى ەكەنىن ايقىن كورسەتەدى.
