فوتو: اشىق دەرەككوزدەن
حالىقارالىق جالپى رەزەرۆتەر قاراشا ايىنىڭ سوڭىندا 125,7 ملرد دوللاردى قۇراپ, جىل باسىنان بەرى 20,1%-عا وسكەن.
سونداي-اق ۇلتتىق بانكتىڭ التىن-ۆاليۋتا رەزەرۆتەرى 35,5%-عا ۇلعايىپ, 62,1 ملرد دوللارعا جەتسە, ۇلتتىق قوردىڭ اكتيۆتەرى 8,1%-عا كوبەيىپ, 63,6 ملرد دوللار بولعان.
«قورعا تۇسەتىن تۇسىمدەر سوماسى جىل باسىنان بەرى 3,6 ترلن تەڭگەنى, ال ۇلتتىق قوردان رەسپۋبليكالىق بيۋدجەتكە بەرىلەتىن ترانسفەرتتەر كولەمى 4,9 ترلن تەڭگەنى قۇرادى. وسى جىلدىڭ 11 ايىندا ۇلتتىق قوردىڭ ينۆەستيتسيالىق كىرىسى 13,7%-دى, ياعني 8,2 ملرد دوللاردى قۇرادى», دەدى تيمۋر سۇلەيمەنوۆ.تيمۋر سۇلەيمەنوۆ جىل باسىنان بەرى تەڭگە باعامى 2,4%-عا نىعايعانىن اتاپ ءوتتى.
بيىل جىل باسىندا «Egemen Qazaqstan» گازەتىنىڭ ءتىلشىسى «ۇلتتىق قور: مەجە مەن مۇمكىندىك» اتتى ماتەريالىندا قوردىڭ 2030 جىلعا دەيىنگى جوسپارىنىڭ ورىندالۋ مۇمكىندىكتەرىن سارالاعان ەدى.
