«Amanat» پارتياسى تۇركىستان وبلىستىق فيليالى جانىنداعى ايەلدەر قاناتىنىڭ جانىنان ماڭىزدى قوعامدىق-ساياسي الاڭنىڭ اشىلۋىنا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى شولپان كارينوۆا, تۇركىستان وبلىسى اكىمىنىڭ ورىنباسارى ەرتاي التاەۆ, «Amanat» پارتياسى وبلىستىق فيليالىنىڭ توراعاسى التىنسارى ۇمبەتاليەۆ قاتىسىپ, ىزگى تىلەكتەرىن ارنادى. ساياسي مەكتەپتىڭ قابىرعاسىندا ءبىلىم العان ايەل كوشباسشىلار ەلدىك مۇددەنى العا قوياتىن, قوعامنىڭ دامۋىنا ناقتى ۇلەس قوساتىن تۇلعالار بولارىنا سەنىم ءبىلدىردى.
«بورتە» ايەلدەردىڭ ساياسي كوشباسشىلىق مەكتەبىنىڭ العاشقى لەكتسيالارىنا اۋدان, قالالارداعى «Amanat» پارتياسى فيليالدارىنىڭ ايەلدەر قاناتىنىڭ جەتەكشىلەرى, ءبىلىم بەرۋ, دەنساۋلىق ساقتاۋ, مادەنيەت, سپورت جانە الەۋمەتتىك سالالاردا قىزمەت اتقاراتىن قىز-كەلىنشەكتەر, دەپۋتاتتار قاتىستى.
ايتا كەتەلىك, ايەلدەر وبلىستاعى جالپى حالىق سانىنىڭ 49 پايىزىن قۇرايدى. قازىرگى تاڭدا, وبلىستا 185 مىڭنان اسا كوپبالالى انا بار. ونىڭ ىشىندە 18 مىڭنان استامى – «التىن القا», 43 مىڭنان استامى «كۇمىس القا» يەگەرى اتانعان. سونداي-اق وڭىردەگى 212 مىڭنان استام كاسىپكەردىڭ 89 مىڭعا جۋىعى نەمەسە 42 پايىزدان استامى, 5611 مەملەكەتتىك قىزمەتشىنىڭ 1572-ءسى نازىك جاندىلار.
تۇركىستان وبلىسى
