ايتا كەتۋ كەرەك, كەلەسى جىلى ەاەو-عا قازاقستان توراعالىق ەتەدى. سوندىقتان ەلىمىز ۇيىمدى جاڭا دەڭگەيگە كوتەرۋ ءۇشىن بارلىق قاجەتتى شارالاردى جوسپارلاپ وتىر. ەۋرازيالىق ۇكىمەتارالىق كەڭەس وتىرىسى حالىقارالىق ىنتىماقتاستىقتى نىعايتىپ قانا قويماي, ءوڭىردىڭ بەدەلىن ارتتىرا تۇسەتىن ماڭىزدى وقيعا بولعالى تۇر.
مۇنىمەن قوسا زاماناۋي تەحنولوگيالار مەن تسيفرلىق شەشىمدەر تالقىلاناتىن ءداستۇرلى Digital Forum دا شىمكەنتتە وتەتىن بولادى. بۇل فورۋم – جاڭا يدەيالار مەن مۇمكىندىكتەردىڭ باستاۋى, ەل دامۋى مەن ءوڭىر ىنتىماقتاستىعىنىڭ جانە تەحنولوگيالىق جاڭعىرۋدىڭ جارقىن كورىنىسى.
حالىقارالىق دەڭگەيدەگى جيىنداردى وتكىزۋ تاڭداۋى شىمكەنتكە تۇسكەنى بەكەر ەمەس. سوڭعى جىلدارى جاڭارىپ, كوركەيگەن قالا بۇگىنگى كۇندە اۋقىمدى ءىس-شارالار ۇيىمداستىرۋعا لايىقتى ەلىمىزدىڭ ماڭىزدى ايماقتارىنىڭ بىرىنە اينالىپ ۇلگەردى.
شىمكەنت
