قاراشا ايىندا قازانمەن سالىستىرعاندا ازىق-ت ۇلىك ەمەس تاۋارلار باعاسىنىڭ ءوسىمى 0,9%-عا دەيىن باياۋلادى, ال ازىق-ت ۇلىك ونىمدەرىنىڭ باعاسى وتكەن اي دەڭگەيىندە (1%) ساقتالدى. الەۋمەتتىك ماڭىزى بار ازىق-ت ۇلىك تاۋارلارىنا ارنالعان باعا يندەكسى كەيىنگى ءتورت اپتا بويى وزگەرىسسىز قالىپ وتىر.
سەرىك جۇمانعارين جىلىجاي كوكونىستەرىنىڭ, اسىرەسە قيار مەن قىزاناقتىڭ ماۋسىمدىق قىمباتتاۋىن ەسكەرە وتىرىپ, شەكاراداعى وتكىزۋ بەكەتتەرىندە تۇرىكمەن كوكونىستەرىنە شۇعىل تۇردە «جاسىل دالىزدەر» ۇيىمداستىرۋدى تاپسىردى. بۇل شارا, اسىرەسە, جىلىجاي ءوندىرىسى جەتكىلىكسىز ايماقتاردى قولجەتىمدى باعاداعى كوكونىستەرمەن تۇراقتى قامتاماسىز ەتۋگە باعىتتالعان.
جاڭا جىل مەرەكەسى قارساڭىندا, ياعني 22–31 جەلتوقسان ارالىعىندا ەلدەگى سۋپەرماركەتتەردە «Bereke fest» اكتسياسى باستالادى. اكتسيا اياسىندا فەرمەرلەردەن تىكەلەي جەتكىزىلگەن الەۋمەتتىك ماڭىزى بار تاۋارلار ارزانداتىلعان باعامەن ساتىلادى. سونىمەن قاتار وڭىرلەردە اۋىل شارۋاشىلىعى جانە جاڭاجىلدىق جارمەڭكە سانى ارتادى. جەلتوقسان ايىندا ەلىمىزدىڭ بارلىق وڭىرىندە 800-دەن استام جارمەڭكە وتكىزىلەدى. تەك وتكەن اپتادا 149 جارمەڭكە ۇيىمداستىرىلدى. ساۋدا كوميتەتىنە شالعاي اۋداندارعا, ونىڭ ىشىندە ماڭعىستاۋ, ۇلىتاۋ وبلىستارىنا تاۋار جەتكىزۋگە كومەك كورسەتۋ تاپسىرىلدى. وبلىستا كۇردەلى لوگيستيكا مەن الەۋمەتتىك ماڭىزى بار ازىق-ت ۇلىك تاۋارلارىن ساقتاۋعا ارنالعان قويمالار تاپشى. وسىنى ەسكەرە وتىرىپ, سەرىك جۇمانعارين وڭىردە لوگيستيكالىق ورتالىق قۇرۋ مىندەتىن قويدى. اتالعان ورتالىقتىڭ قۋاتى ازىق-ت ۇلىكتىڭ قاجەتتى قورىن ساقتاۋعا, لوگيستيكالىق شىعىنداردى قىسقارتۋعا ءارى وڭىرلىك تاراتۋ حابىن قالىپتاستىرۋعا مۇمكىندىك بەرەدى.
اۋىل شارۋاشىلىعى ۆيتسە-ءمينيسترى ەرمەك كەنجەحان ۇلى الەۋمەتتىك ماڭىزى بار ازىق-ت ۇلىك تاۋارلارى باعاسىن تۇراقتاندىرۋ تەتىكتەرى بويىنشا قولدانىستاعى ەرەجەلەرگە تولىقتىرۋلار ەنگىزۋ جۇمىسى تۋرالى باياندادى.
وزگەرىستەر ونلاين مونيتورينگ جۇيەسىن ورناتۋدى مىندەتتەيدى. قازىر «قازاقتەلەكوم» اق قىزىلوردادا 3 مىڭ شارشى مەترلىك قويمادا قاناتقاقتى جوبانى جۇزەگە اسىرىپ جاتىر. كەلەسى جىلى الەۋمەتتىك كاسىپكەرلىك كورپوراتسيالاردىڭ قويمالارى وسىنداي جۇيەلەرمەن جابدىقتالادى. بۇل الەۋمەتتىك ماڭىزى بار ازىق-ت ۇلىك تاۋارلاردىڭ قورىن جيناقتاۋعا, ونىڭ ساپاسىن ساقتاۋعا مۇمكىندىك بەرەدى. وزگەرىستەر جاقىن ارادا كۇشىنە ەنەدى.
