سۋرەت: syrboyi.kz
بىردە مونشادا كەزەك كۇتىپ وتىرعان بىرەۋ: «راقا, جۋىق ارادا اڭعا شىقتىڭ با؟» دەپ سۇرايدى.
«مەندە كوپ ۋاقىت بولا بەرمەيدى عوي, كەشە قولىم ءبىر قالت ەتە قالعاندا اقسۋدىڭ بويىنا بارا قالىپ ەدىم, وزەننىڭ بەتى جىپىرلاعان ۇيرەك ەكەن. الدىندا عانا ءبىر پاترونعا ساناپ وتىرىپ وتىز بىتىرا سالىپ قويعان ەدىم, ىسقىرىپ قالىپ ۇركىتتىم دە, كوتەرىلە بەرگەندە شۇرىپپەنى باسىپ قالىپ, بۇركىپ جىبەردىم. بۇيىرعانعا داۋا جوق دەگەن, ءبىر بىتىرام دا زايا كەتپەي, وتىز ۇيرەكتى ءبىر وقپەن ءتۇسىردىم» دەگەن ەكەن. وتىرعاندار «وي, ءپالى» دەسىپ ەندى ەكەتاي اعاعا قارايدى.
«كەشكە تامان توعان بايلاپ تاستاپ قايتىپ كەلە جاتسام, وزەكتە قىرعاۋىلدار جايىلىپ ءجۇر ەكەن. مىلتىعىمدى ۇيگە قالدىرىپ كەتكەنىم ەندى ەسىمە ءتۇسىپ, نەدە بولسا قۇر قول قايتپايىن دەپ گازدى تۇبىنە دەيىن باسىپ اعىزىپ ءوتىپ توقتاسام, بەس قىرعاۋىلدى موينىنان باسىپ ءوتىپپىن» دەيدى.
سوندا راقىمبەك اعامىز: «تراكتوردىڭ جىلدامدىعى قىرعاۋىلدى باسىپ وتۋگە جەتپەيدى, مەن بۇل وتىرىگىڭە سەنە المايمىن», دەيدى عوي.
سويتسە, ەكەتاي اعامىز: «ەي, راحىمبەك, مەن سەنىڭ وتىز ۇيرەگىڭە شىداعاندا سەن مەنىڭ اينالدىرعان بەس قىرعاۋىلىمدى كوپ كورىپ وتىرسىڭ با؟» دەگەن ەكەن.
ازىلدەرى جاراسقان قايران اعالارىم-اي, ەكەۋى دە باقيلىق بولدى, جاندارى ءجانناتتا بولسىن.
ەكەۋى ول جاقتا دا قالجىڭمەن قارجاسىپ جۇرگەن شىعار...
بەرىكبول قاسىموۆ,
اقسۋ اۋدانىنىڭ قۇرمەتتى ازاماتى
جەتىسۋ وبلىسى
