فوتو: جەتىسۋ وبلىسى اكىمدىگى
قايتارىلعان 603 مىڭ گەكتاردىڭ ىشىندە اۋىل شارۋاشىلىعى اينالىمىنا 431 مىڭ گا تارتىلسا, قالعان 172 مىڭ گا جەر كەلەسى جىلدىڭ 1-جارتىسىندا اينالىمعا تارتىلادى.
بۇل تۋرالى وبلىس اكىمى بەيبىت يساباەۆ ورتالىق كوممۋنيكاتسيالار قىزمەتى (وكق) الاڭىندا وتكەن بريفينگ بارىسىندا ايتتى.
«جەتىسۋ وبلىسى – اگرارلى ايماق. بۇل سالادا وندىرىلگەن ءونىمنىڭ جالپى كولەمى بىلتىر 3%-عا ءوستى. بيىل ءوسىم 5% بولادى دەپ كۇتىلىپ وتىر. جىل باسىنان بەرى اۋىل شارۋاشىلىعىنا 25 ملرد تەڭگە ينۆەستيتسيا تارتىلدى. 2025-2027 جىلدارى وبلىستىڭ اگروونەركاسىپ كەشەنىندە جالپى قۇنى 94,4 ملرد تەڭگەگە 23 ينۆەستيتسيالىق جوبانى ىسكە اسىرۋ جوسپارلانعان. ونىڭ ىشىندە ءىرى جوبالاردى اتاپ وتسەم, جالپى جوبالىق قۋاتى 18,6 مىڭ توننا بولاتىن پانفيلوۆ جانە كوكسۋ اۋداندارىندا سالىناتىن ەكى قۇس فابريكاسى, تەكەلىدەگى قۋاتى 4 مىڭ توننالىق جىلىجاي, تالدىقورعان قالاسىندا سالىناتىن جالپى قۋاتى 1,6 مىڭ توننالىق ەكى بالىق شارۋاشىلىعى نىسانى بار», دەدى بەيبىت يساباەۆ.
سونىمەن قاتار ۆەتەريناريا سالاسىنا دا نازار اۋدارىلىپ وتىر. بۇل رەتتە 2023-2025 جىلدارى وبلىستا 67 ۆەتەريناريالىق پۋنكت سالىنعان.
