فوتو:اقوردا
«بۇل كيىز ءۇيدى الەمدىك مادەنيەتتىڭ ءبىر بولشەگى رەتىندە تانۋ مۇمكىندىگىن ارتتىرادى جانە ورتالىق ازيا مۇراسىنىڭ ورتاق ەكەنىن ايعاقتايدى», دەدى ەرلان قارين.
ونىڭ ايتۋىنشا, كيىز ءۇي ءداستۇرى 2014 جىلى قازاقستان مەن قىرعىزستاننىڭ ۇسىنىسىمەن يۋنەسكو-نىڭ رەپرەزەنتاتيۆتى تىزىمىنە ەنگەن بولاتىن. ال بيىلعى كەڭەيتۋ شەشىمى ونىڭ اۋقىمىن ارتتىرىپ, حالىقارالىق مادەني كەڭىستىكتەگى تانىمالدىعىن كۇشەيتەدى.
مەملەكەتتىك كەڭەسشى قازاقستاننىڭ بۇعان دەيىن يۋنەسكو-نىڭ ماتەريالدىق ەمەس مادەني مۇرالار تىزىمىنە 14 اتالىم ەنگىزگەنىن ەسكە سالدى. بۇل كورسەتكىش بويىنشا ەلىمىز 183 مەملەكەتتىڭ ىشىندە ۇزدىك 25-ءتىڭ قاتارىندا.
«سونىمەن قاتار قازىرگى تاڭدا قازاقستاننىڭ «سالبۋرىن» ۇلتتىق ءوتىنىمى جانە «كەستە تىگۋ ونەرى» (قازاقستان, وزبەكستان, تاجىكستان), «كيىز باسۋ ونەرى» (قازاقستان, قىرعىزستان, ازەربايجان, يران, موڭعوليا, تاجىكستان, تۇركيا, وزبەكستان), «الپامىس جىرى» (قازاقستان, ازەربايجان, تۇركىمەنستان, تۇركيا, وزبەكستان), «تاقيا» (قازاقستان, تۇركىمەنستان, ازەربايجان, قىرعىزستان, تاجىكستان, وزبەكستان, تۇركيا) اتالىمدارى يۋنەسكو-نىڭ قاراۋىندا ەكەنىن ايتا كەتكەن ءجون», دەدى ە.قارين.
ايتا كەتەيىك, كەيىنىرەك وزبەكستان ءوتىنىمدى كەڭەيتۋدى ۇسىنىپ, وعان قاراقالپاق ءداستۇرىن قوسۋدى ۇسىنعان.
ەسكە سالايىق, بۇعان دەيىن قوبىز بەن كيىز ءۇيدىڭ يۋنەسكو تىزىمىنە ەنگەنىن حابارلاعان ەدىك.
