فوتو: polisia.kz
الماتى قالاسىندا جاڭا تۋعان نارەستەلەردى ساتۋمەن اينالىسقان قىلمىستىق توپتىڭ ارەكەتى توقتاتىلدى. قىلمىستىق توپتىڭ ۇيىمداستىرۋشىلارى قيىن جاعدايعا تاپ بولعان جاس قىزداردى پايدالانعان جانە سىياقى بەرۋ ارقىلى سابيلەردى ءۇشىنشى تۇلعالارعا بەرۋگە يتەرمەلەگەن. بارلىق كۇدىكتىلەر ۇستالدى. 20-دان استام قىلمىستىق ءىس بويىنشا تەرگەۋ ءجۇرىپ جاتىر. كۇدىكتىلەرگە م ۇلىكتى تاركىلەۋمەن 18 جىلعا دەيىن باس بوستاندىعىنان ايىرۋ جازاسى قاراستىرىلعان.
اباي وبلىسىندا ازاماتتاردى ءماجبۇرلى تۇردە ەڭبەككە تارتۋ ارقىلى قاناۋمەن بايلانىستى قىلمىستىق ارەكەت اشكەرەلەندى. 11 قىلمىستىق ءىس قوزعالدى, ماتەريالدار سوتقا جولداندى.
شىمكەنت, اقتوبە, جامبىل, باتىس قازاقستان, قاراعاندى جانە قوستاناي وبلىستارىندا تۇنگى ويىن-ساۋىق ورىندارىنا جۇرگىزىلگەن تۇراقتى تەكسەرۋلەر بارىسىندا, ونىڭ ىشىندە كامەلەتكە تولماعانداردى ءتۇرلى قاناۋ تۇرلەرىنە تارتۋ فاكتىلەرى انىقتالدى.
استانا قالاسىندا پوليتسەيلەر پروكۋراتۋرامەن بىرلەسىپ گەتە كوشەسىندەگى تەمىرجول ۆوكزالى ماڭىندا رەيدتەر وتكىزدى. ناتيجەسىندە ازاماتتاردى سەكسۋالدىق قاناۋعا ارنالعان پريتوندار ۇيىمداستىرۋ جانە ونى ۇستاۋ بويىنشا سەگىز ادام قىلمىستىق جاۋاپكەرشىلىككە تارتىلدى.
اقمولا وبلىسىندا وتباسىلىق قۇندىلىقتاردان باس تارتۋدى جانە رەتسىز جىنىستىق قاتىناستى ناسيحاتتايتىن «رۋحاني ورتالىق» اشقان ءدىني توپتىڭ ارەكەتى توقتاتىلدى. ءتىنتۋ بارىسىندا ءدىني ادەبيەتتەر, اتريبۋتتار جانە راسىمدىك زاتتار تاركىلەندى. ءتيىستى ساراپتامالار تاعايىندالىپ, تەرگەۋ جۇرگىزىلىپ جاتىر.
بۇعان دەيىن استانا, الماتى جانە شىمكەنت قالالارىندا «ەليتالىق ەسكورت» ۇيىمداستىرۋشىلارىنىڭ ارەكەتى اشكەرەلەنگەن. ولار تۇنگى كلۋبتار مەن بارلاردا جاس قىزداردى جۇمىسقا تارتۋمەن اينالىسىپ, جەزوكشەلىككە دەلدالدىق جاساعانى انىقتالدى. قىلمىستىق ىستەر سوتقا جولداندى.
سونىمەن قاتار, الماتى مەن استانادا تۇنگى مەكەمەلەردە پروفيلاكتيكالىق رەيدتەر ءوتتى. رەيدتەردىڭ ماقساتى – جاستاردى قىلمىستىق قاناۋدان قورعاۋ, ولاردىڭ اسوتسيالدى ورتاعا تارتىلۋىنا جول بەرمەۋ جانە قوعامداعى ادامگەرشىلىك قۇندىلىقتاردى نىعايتۋ.
جالپى كەشەندى پروفيلاكتيكالىق جۇمىس جالعاسادى.
