فوتو: اشىق دەرەككوز
نەگە 1414 ارقىلى SMS-كود جىبەرىلمەيدى؟
جاساندى ينتەللەكت جانە تسيفرلىق دامۋ مينيسترلىگى مەن باس پروكۋراتۋرا اقپاراتتىق قاۋىپسىزدىكتى ارتتىرۋ ماقساتىندا 1414 نومىرىنەن جىبەرىلەتىن كودتاردى مەملەكەتتىك سەرۆيستەردە قولدانۋدى توقتاتتى.
بۇعان دەيىن ءتۇرلى ونلاين قىزمەتتەرگە كىرۋ ءۇشىن 1414 نومىرىنەن SMS-كود كەلەتىن ەدى. الايدا بۇل الاياقتاردىڭ جەكە دەرەكتەردى يەمدەنۋ قاۋپىن كۇشەيتتى. سوندىقتان ەندى پورتالدى نەمەسە مەملەكەتتىك جۇيەلەردى پايدالانۋ كەلەسى تاسىلدەر ارقىلى عانا جۇزەگە اسادى:
- بيومەتريالىق اۋتەنتيفيكاتسيا;
- ەلەكتروندىق تسيفرلىق قولتاڭبا (ەتسق);
- eGov QR-كودى ارقىلى كىرۋ
جەلتوقسان ايىنان باستاپ جاڭا تالاپتاردى ورىنداماعان اقپاراتتىق جۇيەلەر 1414 شليۋزىنەن اجىراتىلعان.
الاياقتاردىڭ قۇربانى بولعان جاعدايدا نە ىستەۋ كەرەك؟
-
112 نومىرىنە قوڭىراۋ شالىپ, پوليتسياعا دەرەۋ ارىز بەرىڭىز.
-
ەگەر اتىڭىزعا رۇقساتسىز نەسيە راسىمدەلسە, قارجى ۇيىمىمەن بىردەن بايلانىسىڭىز.
-
ەتسق كىلتىن جوعالتقان جاعدايدا pki.gov.kz پورتالى ارقىلى جاڭاسىن الىڭىز.
-
تەلەفون جوعالسا, Mobile Citizen Database ء(موبيلدى ازاماتتار بازاسى) دەرەكتەرىن جاڭارتۋ قاجەت.
ايتا كەتەيىك, الاياقتار 1414 نومىرىنەن كەلەتىن كودتاردى ازاماتتاردى جاڭىلىستىرۋ, دەرەكتەردى يەمدەنۋ جانە كەيىن قىلمىستىق ماقساتتا قولدانۋ ءۇشىن پايدالانادى.
