فوتو: اشىق دەرەككوز
دەپارتامەنت ماماندارى اتىراۋ مۇناي وڭدەۋ زاۋىتىنا تەكسەرۋ جۇرگىزدى. ويتكەنى زاۋىت باسشىلارى ۋاكىلەتتى ورگانعا اپاتتىق احۋالدى مەرزىمىندە حابارلاماعان.
«2025 جىلعى 9 قاڭتاردا ساعات 18:00-دە زاۋىتتاعى №33 تسيستەرنانىڭ اۋماعىندا تاۋارلىق بەنزين كومپونەنتتەرىن ايداۋ جەلىسىندە اقاۋ انىقتالعان. تەكسەرۋ كەزىندە جەراستى قۇبىرى ارقىلى مۇناي ءونىمى (بەنزين) توگىلىپ, جەردىڭ لاستانعانى انىقتالدى. الايدا سەرىكتەستىك قورشاعان ورتانى قورعاۋ سالاسىنداعى ۋاكىلەتتى ورگانعا اۆاريالىق جاعدايدى زاڭنامادا كوزدەلگەن مەرزىمدە حابارلامادى. وسىعاي وراي ء«اموز» جشس-عا جەردى ءبۇلدىرۋ فاكتىسى جانە اۆاريالىق جاعدايدى زاڭنامادا كوزدەلگەن مەرزىمدە حابارلاماعانى ءۇشىن اكىمشىلىك قۇقىق بۇزۋشىلىق تۋرالى كودەكسكە سايكەس 4 325 200 تەڭگە كولەمىندە اكىمشىلىك ايىپپۇل سالىندى. ايىپپۇل مەملەكەت پايداسىنا ءوندىرىلدى», دەپ ءمالىم ەتتى دەپارتامەنتتىڭ ءباسپاسوز قىزمەتى.
