وبلىس اكىمىنىڭ ايتۋىنشا, جوباعا جاڭا ينۆەستور تابىلعان.
«ينۆەستورمەن بارلىق كەلىسىمدەر جاسالدى, قازىر كەلىسىمشارتقا قول قويۋ كەزەڭىندە تۇرمىز. كەلەسى جىلدان باستاپ ول 5 ملن دوللاردان استام قارجى قۇيىپ, جاعاجايدى دامىتۋعا كىرىسۋدى جوسپارلاپ وتىر», دەدى كوشەروۆ.
2023 جىلدىڭ قاراشاسىندا «ادىلدىك جولى» قوعامدىق بىرلەستىگىنىڭ باسشىسى ديدار سماعۇلوۆ جاعاجاي اۋماعىنان تۇسىرىلگەن فوتولاردى جاريالاعان ەدى. ونىڭ مالىمەتىنشە, 2020-2021 جىلدارى سۋ استىنداعى ارنانى قازۋ, جاساندى كولدىڭ ءتۇبىن تەرەڭدەتۋ جانە جاعالاۋدى نىعايتۋ جۇمىستارىنا 1,8 ملرد تەڭگە جۇمسالعان, كەيىن تاعى 7 ملرد تەڭگە يگەرىلگەن. جوبا وبلىستى ومىرزاق شوكەەۆ باسقارعان كەزەڭدە جۇزەگە اسقاندىقتان, الەۋمەتتىك جەلىلەردە «شوكەەۆ جاعاجايى» دەگەن اتاۋعا يە بولدى.
بەلسەندى جاريالاعان كادرلاردان جاعاجاي ينفراقۇرىلىمىنىڭ قيراعانى جانە اياقتالماعانى انىق بايقالادى. جولدارى جارتىلاي عانا توسەلگەن, جارىق باعاندارىندا شامدار جوق, ال «ميللياردتاعان كوگالداندىرۋ» دەپ كورسەتىلگەن اعاشتاردىڭ ورنىنا قۇر توپىراققا قاداپ قويعان بۇتاقتار تۇرعانى ايتىلدى. جوبا بويىنشا كولەڭكەلى ايماقتار, كليون اعاشتارى, ورىندىقتار, گازون مەن گۇلزارلار جانە سۋارۋ جۇيەسى قاراستىرىلعانىمەن, ولاردىڭ كوپشىلىگى سالىنباعان.
فوتولاردا جاعالاۋ ايماعىنىڭ شومىلۋعا بەيىمدەلمەگەنى دە كورىنەدى.
2023 جىلى وبلىستىڭ ەكس-اكىمى دارحان ساتىبالدى جاعاجاي قۇرىلىسى بىرنەشە كەزەڭنەن تۇراتىنىن, الايدا ءبىرىنشى جانە ەكىنشى كەزەڭدەردى باستاۋعا قارجىلاندىرۋ بولماعانىن مالىمدەگەن بولاتىن.
