ول سىرتقى ىستەر ءمينيسترى ەرمەك كوشەرباەۆتىڭ ۆەناعا جۇمىس ساپارى بارىسىندا ەقىۇ ءسىم كەڭەسى اياسىندا ۋكراينا سىرتقى ىستەر مينيسترىمەن كەزدەسۋ وتكىزگەنىن ەسكە سالدى.
«وكىنىشكە قاراي, مەن بۇل كەزدەسۋگە قاتىسقان جوقپىن, بىراق جاقىن ءجۇردىم. كتك ماسەلەسىنىڭ مىندەتتى تۇردە تالقىلانعانىنا سەنىمدىمىن. بۇل تاقىرىپقا قاتىستى قوسىمشا پىكىر بىلدىرمەيمىز. ۋكراينا تاراپىمەن بايلانىستا وتىرمىز. جابىق ديپلوماتيالىق ارنالار ارقىلى جۇمىستى جالعاستىرامىز. ەلشىلەر دەڭگەيىندە دە جۇمىس ىستەپ جاتىرمىز», دەدى ا.سمادياروۆ ءسىم-دەگى بريفينگ بارىسىندا.
ايتا كەتەيىك, 29 قاراشا كۇنى, استانا ۋاقىتىمەن تاڭعى ساعات 06:00-دە نوۆوروسسيسك قالاسىندا ورنالاسقان پورت اۋدانىنداعى تەڭىز ينفراقۇرىلىمىنا ۇشقىشسىز قۇرىلعىلار شابۋىلداعان. سالدارىنان ايلاقتاعى تيەۋ قوندىرعىسى (اتق-2) ىستەن شىعىپ قالدى.
ۋكراينا شابۋىلىنا قاتىستى اۋەلى قازاقستان سىرتقى ىستەر مينيسترلىگى, ودان سوڭ ۋكراينا سىرتقى ىستەر مينيسترلىگى مالىمدەمە جاسادى.
سونداي-اق كاسپي قۇبىر كونسورتسيۋمىنا (كتك) جاسالعان سوڭعى شابۋىل قازاقستان ەكونوميكاسىنا عانا ەمەس, قاراپايىم ازاماتتارعا دا ىقپال ەتۋى مۇمكىن. سەبەبى ەلدەگى گاز ءوندىرىسى مەن قىسقى ماۋسىمداعى تۇتىنۋ كولەمى بۇل ينفراقۇرىلىمعا تىكەلەي بايلانىستى.
